滾喜火鍋專門店 (已結業)

諗緊今日放工食咩好，突然醒起之前有朋友介紹過呢間任飲任食既雞煲放題，就一於去食下！大約7點左右去到，唔洗等位就入得去了。睇下個餐牌，原來有2款口味既口味既雞煲🤤正，我地就試左芝士雞煲先。一黎到店員就會幫你計時啲芝士既煮幾耐，鐘響左仲會幫你搞下佢先，店員幾有禮貌同幾好服務。芝士份量好多味道好濃，岩晒芝士控既我。雞件都好滑好入味。再試埋個麻辣雞煲，有得選擇辣既程度，而我地就揀左bb辣。味道好特別，可能加左好多唔同既香料，食落好惹味！食完雞煲仲可以叫其他配料打邊爐，一次過滿足左三個願望！仲有自家制咸蛋黃炸魚皮，脆卜卜，好香既咸蛋味！我地揀呢個餐仲可以任食安格斯牛肉，只需滾幾秒就食得，食落好鮮味。再食埋其他配料，已經好飽好滿足了！