金九記海鮮火鍋酒家

营业中

休息中

今日平安夜黎食，一早订左台，四个人七点到无乜人，坐低老板娘就埋黎介绍食物，叫左唔少野，样样名物都想试下：鸡脚好入味，唔太咸，唔错。蛏子好爽口好惹味。虾几大只，开只好入味，豉油味浓。鸡有鸡味，唔似冰鲜货，沙姜味够无使点都好入味。吊桶好新鲜，好爽口，唔怪得台台都叫。鱼肉好滑，刚刚熟，正。虾好新鲜，肉爽口。蟹肉味浓，但唔太实肉。姜汁味唔太够，但菜好脆口。仲有鲍鱼同豉油王炒面唔记得影，其实四个人食咁多野真系几夸，不过每样少少，样样都试到。总括黎讲样样食物都好新鲜，味道亦好好，调味唔会太浓盖过海鲜味。埋单千七蚊，一次过试晒咁多样名物，都算相宜。