金凱小廚 (已結業)

平时成日见啲餐厅有鸡煲加边炉任食，估唔到美林有间可以串烧、鸡煲加边炉任食嘅餐厅，同朋友去开美林一于试吓！我哋4个女仔去大家都唔系好大食，所以嗌咗个$208餐，有三串自选串烧、一around鸡煲同冇限时任食边炉！串烧我拣咗生蚝、扇贝同烧菠萝，生蚝同扇贝仲有得拣芝士定蒜蓉烧𠻹，我就拣咗蒜蓉烧，味道好唔错，烧菠萝甜甜酸酸劲开胃！之后就开始食鸡煲喇，个姐姐好好，上菜时会提醒我地几多分钟就食得，我哋几个女仔挂住倾计佢又会提我哋细火啲，个鸡煲我哋嗌咗小辣，都好惹味！ 平时好多餐厅，食完鸡煲会直接加汤俾你打边炉，依间系换个新汤底俾你打边炉，咁就唔洗咁油腻，值得一赞！个边炉我哋拣咗花胶鸡浓汤，真系有花胶㗎，唔错唔错！配料方面都有成30+款，好钟意佢有啲系以粒／件去嗌，咁就唔怕浪费！个人好钟意食佢个西班牙黑毛猪，一个人食咗三碟有多！朋友们就好like佢个安格斯肩胛牛肉，唔会好似肥牛咁肥～另外，佢个手打紫菜丸系出面都比较少见，粒丸都几弹牙，仲有啲爽爽哋嘅紫菜，都几特别～打边炉嘢饮都好紧要，依到都有好多款嘢饮任拎，连罐装啤酒都有！