鋿晶館

营业中

休息中

百花炸酿蟹箝外皮炸得好香脆唔会油淋淋，入面嘅肉胀卜卜好弹牙，仲会食到一丝丝蟹肉。雪山叉烧包入面的叉烧甜甜地再夹埋出面脆的外层，而且份量岩岩好，唔会太大个之后试唔到其他。川芎白芷天麻鱼头汤炖得好够火候又足料，入口甘而不苦，好重药材味，感觉好养生。蒜香虾春卷两条春卷对半切成三角形，用料好足，每一条都有虾肉，蒜香味浓郁香脆可口。粉丝中虾煲用热辣辣的煲仔，粉丝吸尽虾油的油香及鲜美，虽然味道偏咸，但真系啖啖虾鲜味，劲惹味好好食。豉汁豆卜蒸鳝片豉汁味浓，但不会抢去白鳝的鲜味，鲜味更突出，鳝蒸得岩岩好，肉质鲜嫩。虾干浸响铃时蔬清清地上汤浸菜心，虾干味突出。椒盐一口豆腐豆腐内软滑，豆味浓，表面炸得金黄酥脆，完全冇油份，加上面头香口的椒盐粒，非常有层次感。经过见到个铺头名咁熟，原来有好多分店系食手工点心，系自家制品牌，下次试下先，师傅曾经喺日本东京富丽华专为高管达人同明星工作，返港后喺多间米芝莲酒店同大型连锁集团做主管，服务唔错，座位舒服好阔落。