臺北棧 (形點 I)

营业中

休息中

平时系香港食台湾菜多数食牛肉面搭杯珍奶就完。今次我地系yoho揾到呢间有多款台湾特色食物，食得我地好开心麻酱凉拌秋葵，啲秋葵好靓仔又饱满，食落爽脆，系个麻酱好香，再带啲辣，好味味！招牌鲁肉饭，食碗暖笠笠既饭，肉汁咸中带微甜，鲁肉肥瘦适中。脏脏咸蛋黄芋泥蛋饼，净系卖相已经靓到唔舍得食，薄薄蛋饼包住甜甜芋泥，上面仲有紫薯粉和咸蛋黄碎，口感有几个层次。红豆沙豆乳，连饮品都好靓靓，少少沙得黎带豆乳味。黑糖姜母鲜奶，微微姜味好暖胃，加上鲜奶creamy柔滑感，好幸福啊！黑芝麻奶奶麻糬，虽然个样唔靓仔，但食落好有惊喜，个麻糬系凉凉地，沾上黑芝麻碎，好香芝麻味，呢个推介。