更多
2021-04-08
501 浏览
放工约咗老公喺佐敦食饭,佢最钟意食东南亚菜,所以我哋就去咗南洋。墙上嘅壁画已经话咗俾你知呢度有新加坡、越南、泰国等风味,非常丰富。餐牌上都列出好多招牌菜式,而且图文并茂,非常清晰。今日唔太肚饿所以我哋冇嗌到主菜食,叫咗一个小食拼盘share就啱啱好。小食拼盘啱晒两个人食,总共有五款小食,包括葱油猪扒、炸鸡翼、炸春卷、炸虾饼同无骨凤爪。凤爪嘅份量尤其多,酱汁酸酸辣辣,非常开胃。金沙骨肉骨茶好足料,你会见到大大件金沙骨,同埋原个蒜头,不过你放心蒜味唔会太重,药材味啱啱好。最后嚟个炒菜,我哋要咗马拉盏炒椰菜苗,炒菜几好食㖞,马拉盏炒味道微辣,好惹味。饮品我哋要咗牛油果沙冰($40)同青柠梳打($28),系呢个天气饮呢两杯饮品真系透心凉。
马拉盏炒椰菜苗
$78
30 浏览
0 赞好
0 留言
张贴