燒皇燒烤專門店

营业中

休息中

之前都有黎烧皇食过，主要都系食串烧，今次带埋朋友黎食，见天气冻冻地，一于试埋个鸡煲。同平时打边炉𠮶啲鸡煲唔同，呢度有款椰子鸡煲，仲讲到好有功效咁添😯有冇功效我就唔知啦，不过食落几清甜，有淡淡的椰子香，雪耳亦都好淋，易入口。可能因为佢唔同一般嘅鸡煲，味道清甜，所以食完都唔会成身鸡煲味，呢点我好钟意😂黎得烧皇点会唔食烧物，烧贵妃蚌，$90/4只，大大只。烧生蚝，烧法同上面嘅贵妃蚌一样，都系蒜香味，大只，蚝肉烧得岩岩好。炒蚬唔算好大粒，不过好在几新鲜，最重要嘅系冇沙。除咗海鲜之外，鹅肝多士都好吸引，鹅肝够油香，多士都十分脆口。烧和牛串，牛肉烧得唔老，带少少脂肪，几juicy。