影片
更多
2019-03-01
1005 浏览
食烧肉食上瘾，对上一个星期先食完，今个星期又食，数数手指，一个月食左三次真系自己都吓亲，但今日黎既呢间唔系只食烧肉，系放题+烧肉形式，仲要系食A4和牛，再加刺身寿司、小食炸物都系任食！环境第一次黎「金利文广场」，楼层唔多，呢间放题店位于三楼，面积真系十分之大，但长期满座，最好一定要BOOK定位，否则Walk-in都要等。餐牌任食A4和牛放题 $378(星期一至四)、$398(星期五六日及公众假期)如果唔食和牛就$278，加$100就可以任食A4和牛，仲送海鲜拼盘，当然唔洗谂升级至$378，可以任食A4 宫崎和牛、鹿儿岛和牛、各式烧肉、寿司刺身。打开平板电脑落单,有和牛类、特选烧肉类、烧烤类、刺身、寿司、小食、炸物、冷盘熟食。虽然当中发生左个小插曲，就系我地个炉得一边有火，火势又好慢，烧咩都烧唔到，通知左店员，前后整左两次，最后要彻底换哂所有野个炉先用得返，整炉都用左30分钟左右，店员都好明白事理，系我地要求下都加返时间比我地。浜烧蚝海鲜拼盘有活鲍鱼、虎虾、扇贝、甲罗烧、生蚝，样样都咁新鲜，当中既活鲍鱼包保新鲜，一路烧佢一路郁，虎虾够弹牙，送甲罗烧感觉十分回本，因为平时出去食一只都唔平
环境
第一次黎「金利文广场」，楼层唔多，呢间放题店位于三楼，面积真系十分之大，但长期满座，最好一定要BOOK定位，否则Walk-in都要等。
餐牌
任食A4和牛放题 $378(星期一至四)、$398(星期五六日及公众假期)
如果唔食和牛就$278，加$100就可以任食A4和牛，仲送海鲜拼盘，当然唔洗谂升级至$378，可以任食A4 宫崎和牛、鹿儿岛和牛、各式烧肉、寿司刺身。打开平板电脑落单,有和牛类、特选烧肉类、烧烤类、刺身、寿司、小食、炸物、冷盘熟食。虽然当中发生左个小插曲，就系我地个炉得一边有火，火势又好慢，烧咩都烧唔到，通知左店员，前后整左两次，最后要彻底换哂所有野个炉先用得返，整炉都用左30分钟左右，店员都好明白事理，系我地要求下都加返时间比我地。
浜烧蚝海鲜拼盘
浜烧蚝海鲜拼盘
28 浏览
0 赞好
0 留言
浜烧蚝海鲜拼盘
41 浏览
0 赞好
0 留言
浜烧蚝海鲜拼盘
23 浏览
0 赞好
0 留言
有活鲍鱼、虎虾、扇贝、甲罗烧、生蚝，样样都咁新鲜，当中既活鲍鱼包保新鲜，一路烧佢一路郁，虎虾够弹牙，送甲罗烧感觉十分回本，因为平时出去食一只都唔平，蟹膏亦颇甘香，高质海鲜拼盘！
和牛类
和牛
43 浏览
0 赞好
0 留言
和牛
51 浏览
0 赞好
0 留言
A4和牛
35 浏览
0 赞好
0 留言
总共有10款──8款和牛A4及2款黑豚肉，分别系一口黑毛和牛、A4宫崎黑毛和牛脊肉、A4宫崎黑毛和牛颈脊、A4鹿儿岛黑毛和牛三角、A4鹿儿岛黑毛和牛板翼、A4鹿儿岛黑毛和牛背峰、A4鹿儿岛黑毛和牛嫩肩肉、A4黑毛和牛腿、伊比利亚一口豚、伊比利亚黑豚梅扒。一上枱见到脂肪及肉层色泽分明及新鲜，A4鹿儿岛黑毛和牛板翼同埋A4鹿儿岛黑毛和牛背峰颜色比较鲜红外，其实都偏粉红色，当中既和牛三角及和牛嫩肩肉比较多脂肪，食起上黎油脂口感丰富，而其余既和牛食落比平时牛味要浓郁，虽然唔算厚切，但食落仍然有口感。黑豚肉只有2款，两款质素正常，未有太大惊喜。
特选烧肉类
猪颈肉、韩式腩肉、鸡腿肉
38 浏览
0 赞好
0 留言
秘制牛肋条
27 浏览
0 赞好
0 留言
秘制牛肋条
18 浏览
0 赞好
0 留言
选择非常多，不能尽数，例如有霜降牛五花、霜降牛肋肉、秘制牛肋条、牛肩胛梅花、牛肩胛、牛仔骨、安格欺牛颈脊、牛胸腹、牛舌、牛肋肉、韩式腩肉、猪颈肉、鸡腿肉等等。当中再分左唔同口感腌制，有炭烧、岩盐、韩式、麻辣。我自己个人就比较中意韩式或者麻辣口味，食落带少少辣会再惹味啲，而肉方面较岩我口味既有牛肩胛梅花、牛舌、秘制牛肋条、韩式腩肉，牛舌唔似平时一块块上，而系切左一细条，但口感十分爽脆；秘制牛肋条十分入味，真系必点；由于猪五花肉沽清，但有韩式腩肉，绝对娉美猪五花肉，十分大片且肥膏占三分一，中意食肥膏既你一定不能错过。
烧烤类
有清酒煮蚬、麻辣煮蚬、各式蔬菜等等，试左麻辣煮蚬，一份份量都几多，蚬冇沙质素正常，蔬菜类就冇咩点试，因为都主打食A4和牛同其他肉类。
刺身
选择不少，有一般放题店既三文鱼、希灵鱼、带子、北寄贝、鲍片等等，口感味道都系正常，最好食系一口吞拿鱼蓉，每件都会配上紫苏叶食，一流！觉得可惜同美中不足系冇油甘鱼。
寿司
寿司
36 浏览
0 赞好
0 留言
种类亦多，如火炙三文鱼寿司、鳗鱼寿司、火炙和牛寿司、花之恋等等，饭都黏湿度拿捏我几好，饭团细细旧一口咬得落，配料都新鲜，寿司做我唔错。
小食、炸物
有炸鸡、炸鱿鱼圈、炸鸡软骨、蟹棒天妇罗、炸香芋丸、炸榴梿丸等等，试左炸鸡、炸鱿鱼圈、蟹棒天妇罗，用既油都新鲜，唔会好大股油溢味，但炸粉都比较厚身，肉好少。
冷盘熟食
有芥末象拔蚌刺身、热乌冬、沙律等等，推荐芥末象拔蚌刺身，少少辣同哙鼻好开胃，加上口感爽脆，食左几次芥末象拔蚌刺身。
饮品、甜品
饮品自助，有一系列果汁类饮品，另有一个柜有一款啤酒同几款汽水，但冇照顾到女士需要，得Coke Zero，但冇纯乌龙茶、绿茶果啲。而甜品出面有一个柜仔可以自己拎，卖相比较一般唔吸引，但埋单时每人会送一客Movenpick雪糕，仲可以比你拣味。
总括而言，每人$400左右可以任食A4和牛、伊比利亚黑毛猪，仲有刺身寿司，呢个价钱真系好抵，你谂返系日本餐厅散叫既话$400真系食得唔多野，一间性价比高餐厅，可以改善既系有关漏单情况，其实一开始冇漏单，但食到尾段就全部单漏哂，唔知系咪因为我地整炉多左既30分钟厨房唔知，所以之前既单都冇做比我地，希望能改善。
张贴
