餃餃餃子 (已結業)

饺饺饺子之五种盛合 $66话说星期六喺湾仔有嘢做，食饭时间就去咗利东街隔离𠮶条街，然后见呢间饺子几吸引就入咗去，同埋觉得饺子应该唔会中伏嘅😂同埋见佢蛋包饭同埋chaochao饺子个样几吸引，就入咗去食。点知，一打开个餐牌，我谂有一半嘅饺子都系sold out💩包括佢最招牌𠮶只chaochao饺子，蛋包饭都系平日先供应。即系其实，有一两样嘢系卖晒冇得供应超级正常，但系大佬呀，我睇到饺子个一页，七样饺子四样都冇嘅，招牌饺子又冇🥲咁是但啦，𠮶日我又肚饿，同埋谂住试多几样饺子，就叫咗盛合，虽然𠮶五款饺子都唔系只只有，有啲转左另外一款。五种饺子入边有海老饺子，蒜香饺子，洋葱饺子，九条葱饺子，同埋应该系野菜饺子。五种入边觉得海老饺子系最好食，有啲虾同埋菜，其他𠮶啲我都觉得超级普通，蒜香饺子又唔算特别出味，都系唔同菜同埋肉嘅配搭😅皮就正常，馅料亦都唔系特别多，食完我都唔够饱，系我朋友都唔够饱🤷🏿‍♀️觉得自己买啲急冻饺子返屋企自己煎应该都系差唔多，或者去附近八方云集食饺子仲饱，又要平啲。然后佢仲有加一💩最后食完之后走咗去买蛋挞食先够饱😂可能佢嘅招牌饺子会好食嘅，但系我应该都唔会再去食第二次。