樂林小鍋米線 (已結業)

今日同同事去乐林食晏，食到一肚火！！！同同事一路倾计一路等，中途隔离枱有位男客人话碗米线有条头发🤨见佢夹左出黎就算！等左差唔多25分钟，大部份客人已经食完走，我哋就向楼面反应，楼面就入厨房催，并同我哋讲句吾好意思，因为人手吾够。其后发现有几个比我哋迟入座最少15分钟嘅客人都已经食紧嘢😑再等多5分钟，见到楼面又将食物送到比我哋迟入座嘅客人枱面，我哋就忍吾住再出声催促，旁边亦有几枱客人都反应等左好耐，食物都未到😪过左一阵，同事碗米线终于送上枱，同事原本落左鱼片头，但碗入面系鱼蛋，举手想向楼面A反应，楼面A以为我哋催单，话已经整紧就行开左，之后向楼面B反应，楼面B向厨房查询后回覆我哋，厨房话冇鱼片头，同事问点解冇鱼片头吾讲，擅自换左鱼蛋，楼面B话吾知，楼面A插嘴话冇晒鱼片头，鱼蛋你ok吗？同事话吾ok，佢哋先问想转乜𩠌😓过多一阵，我𠮶碗米线都送上枱，一睇发现漏左腐皮，我都惊可能摆左喺最底先见吾到，所以我都成碗摷下，但都吾见有腐皮，所以向楼面A反应，我亦同时再摷俾佢睇系冇嘅，佢话好似见到喺米线底下，讲完就行左去厨房🙄我哋再摷多次，真系确认漏左腐皮就举手，楼面A就拎左碟腐皮俾我。之后都有其他食客