新竹園軒

营业中

休息中

今日同屋企人食饭，由于有亲戚食过，力赞食物高质服务态度又好，所以唔使烦就拣咗呢间中菜馆！食完果然抵赞🥰值得再食！😋皮蛋酸姜：糖心皮蛋，佢配左一兜砂糖，原来皮蛋点落砂糖度可以增加佢嘅甜度，带出佢嘅甜味！酸姜酸酸甜甜又带辣，好开胃！😋杏汁猪肺汤：香味浓郁嘅功夫汤，口感幼滑！猪肺完全无腥味👍🏻饮完完全觉得润肺又养颜❤️😋菜胆鸡炖翅：鱼翅超级大疏，个汤吸收晒啲鸡同金华火腿嘅精华，相当足料同浓味，系一碗好出色嘅炖汤😋豉椒蛏子王：无得顶！鲜美又出色，啲酱料又爆得好香，好美味呀🤟🏻😋蒜蓉粉丝蒸扇贝: 火候控制得啱啱好，扇贝啱啱熟，加上蒜蓉嘅调味，粉丝吸晒酱汁嘅精华👏🏻😋啫啫芥兰煲：呢个相当有镬气，入面嘅虾干肉碎炒得相当入味，芥兰炒到好入味😋咕噜肉：外皮香脆，入面猪肉劲嫩又多汁，佢哋拣啲肉仲要系有啲肥猪肉，系我食过最好味嘅咕噜肉之一😳