影片
更多
2021-01-03
811 浏览
今日又去左太和呢边揾朋友，于是我地又去食串烧啦。呢到嘅串烧都几多款，虽然食串烧都好难讲求健康，不过我地唔同种类嘅串烧都叫左啲，懒系营养均衡咁（其实只系因为为食，乜都想食）。落单系用电话落单嘅，不过都有纸嘅menu可以用笔圈起野食落单都得。叫左以下呢几种串烧：🦆美味鸭胸串 $19🐣炭烧鸡扒 $32🐥盐烧鸡中翼 $19🐮新鲜牛肉串 $22🍄串烧鸡髀菇 $16🐷烧厚切五花腩串 $32🐑纽西兰羊架 $36🥬蒙古烧韭菜 $16🍗烧鸡软骨 $15🐔烧鸡皮串 $16🐄安格斯一口牛 $33🍢台湾烧香肠 $19🐄沙爹鸡肉串 $19🦪蒜香烧生蚝（每只）$26🌭司华力肠串 $22串烧系即叫即烧嘅，所以叫得多串烧嘅话可能要预返耐少少嘅时间。最后见到好多串烧一次过上台𠮶阵好兴奋，好多好开心。一次过所有香味涌埋黎，正。肉类嘅串烧嘅调味唔会过多，主要系用蜜糖烧，同埋少少胡椒粉嘅辣味，咁样就唔会过咸，甜甜地又可以食到食材本身嘅味道。同埋烧得表皮好香脆，肉又几滑，外脆内软。台湾烧香肠超正，咬落去𠮶下我「哇」左一声。同埋鸭胸我都觉得系烧得好正嘅。感觉上店员拎一碟碟嘅串烧过黎嘅次序系有精心安排过，系先由淡味啲嘅串烧开始，之
落单系用电话落单嘅，不过都有纸嘅menu可以用笔圈起野食落单都得。
叫左以下呢几种串烧：
🦆美味鸭胸串 $19
🐣炭烧鸡扒 $32
🐥盐烧鸡中翼 $19
🐮新鲜牛肉串 $22
🍄串烧鸡髀菇 $16
🐷烧厚切五花腩串 $32
🐑纽西兰羊架 $36
🥬蒙古烧韭菜 $16
🍗烧鸡软骨 $15
🐔烧鸡皮串 $16
🐄安格斯一口牛 $33
🍢台湾烧香肠 $19
🐄沙爹鸡肉串 $19
🦪蒜香烧生蚝（每只）$26
🌭司华力肠串 $22
串烧系即叫即烧嘅，所以叫得多串烧嘅话可能要预返耐少少嘅时间。最后见到好多串烧一次过上台𠮶阵好兴奋，好多好开心。一次过所有香味涌埋黎，正。
肉类嘅串烧嘅调味唔会过多，主要系用蜜糖烧，同埋少少胡椒粉嘅辣味，咁样就唔会过咸，甜甜地又可以食到食材本身嘅味道。同埋烧得表皮好香脆，肉又几滑，外脆内软。
台湾烧香肠超正，咬落去𠮶下我「哇」左一声。同埋鸭胸我都觉得系烧得好正嘅。
感觉上店员拎一碟碟嘅串烧过黎嘅次序系有精心安排过，系先由淡味啲嘅串烧开始，之后先慢慢到浓味啲嘅。
食完啲肉类之后，就到浓味少少嘅蒜香烧生蚝，生蚝同蒜蓉一齐烧真系好香好正。
最后一碟系最浓味嘅蔬菜类。蔬菜类嘅串烧调味就多啲，有孜然粉同辣粉，蔬菜索晒啲调味都好正。
韭菜好大条，抵。
特别想提一提个鸡髀菇，烧完都唔会太干，咬落去𠮶下仲爆汁架。正到食左一旧先记得影相。
因为朋友话觉得食串烧要饮返几啖酒先有风味，所以佢又叫左两杯酒比佢自己饮。佢叫左两杯新力手工啤酒。
对于啲酒，佢嘅评价系咁：
🍺新力手工啤酒 $43
啤酒口感滑身，可以饮到有麦味，饮落唔会话好苦，都算几易入口。食串烧饮啤酒就当然系人生一大乐趣啦。
餐厅入面播住台湾歌同广东歌。隔离仲有个电视mon播住mv。望住五月天咁食串烧好开心！
呢间串烧虽然隐世，但真系几好食。多得朋友带我黎食，先知香港有间咁正嘅串烧。
张贴
