影片
更多
2021-10-10
225 浏览
唔经唔觉，疫情已经持续差唔多两年，我哋一路都好挂住去日本旅行嘅日子，奈何依家仍然未能够通关。为咗一解思乡之愁，我就同朋友特登请半日假，去咗驰名嘅《天吉屋》食日本嘢。不愧系日本过江龙，间店一早就有唔少捧场客。我哋去到门口个阵，就已经见到好几对情侣喺度排队等候。好彩我哋等咗唔够十分钟就入得去姐！侍应带我哋去到木制牌匾附近𠮶张枱坐低，成个摆设好有日本风格，令我哋有一种置身新宿大街嘅感觉。呢间餐厅最出名系即叫即炸嘅天妇罗丼，我哋当然都要朝呢个方向点餐啦！因为疫情关系，部份菜式限量供应。本身我同朋友已经打算食唔到椰菜沙律之类，点知佢哋今日都有提供，好幸福呀！我哋一边饮住牛蒡茶，一边食高纤有益嘅牛蒡渍。呢度无限添加嘅牛蒡渍带点酸咸，口感爽脆，好啱做开胃菜。食完牛蒡渍之后，我同朋友依然十五十六，唔知order咩天妇罗餐好。喺呢个时候，侍应又拎咗两碟椰菜丝同柚子醋上枱，佢哋话椰菜丝都系无限添加㗎！我朋友本身好怕食酸野，但佢觉得加咗柚子醋嘅椰菜丝，味道酸得嚟啱啱好。开餐之前，当然唔少得饮番碗热焫焫嘅面豉汤喇！值得一赞嘅系呢个汤冇咩味精，饮完之后唔会好口干。天幕御膳 $148作为天吉屋特别推荐嘅丼饭，当然
不愧系日本过江龙，间店一早就有唔少捧场客。我哋去到门口个阵，就已经见到好几对情侣喺度排队等候。好彩我哋等咗唔够十分钟就入得去姐！
侍应带我哋去到木制牌匾附近𠮶张枱坐低，成个摆设好有日本风格，令我哋有一种置身新宿大街嘅感觉。
呢间餐厅最出名系即叫即炸嘅天妇罗丼，我哋当然都要朝呢个方向点餐啦！
因为疫情关系，部份菜式限量供应。本身我同朋友已经打算食唔到椰菜沙律之类，点知佢哋今日都有提供，好幸福呀！
牛蒡渍
19 浏览
0 赞好
0 留言
我哋一边饮住牛蒡茶，一边食高纤有益嘅牛蒡渍。呢度无限添加嘅牛蒡渍带点酸咸，口感爽脆，好啱做开胃菜。
椰菜沙律
24 浏览
0 赞好
0 留言
食完牛蒡渍之后，我同朋友依然十五十六，唔知order咩天妇罗餐好。喺呢个时候，侍应又拎咗两碟椰菜丝同柚子醋上枱，佢哋话椰菜丝都系无限添加㗎！我朋友本身好怕食酸野，但佢觉得加咗柚子醋嘅椰菜丝，味道酸得嚟啱啱好。
25 浏览
0 赞好
0 留言
开餐之前，当然唔少得饮番碗热焫焫嘅面豉汤喇！值得一赞嘅系呢个汤冇咩味精，饮完之后唔会好口干。
天幕御膳
$148
35 浏览
0 赞好
0 留言
天幕御膳 $148
作为天吉屋特别推荐嘅丼饭，当然有佢嘅独特之处。天幕御膳包含咗黑虎虾、软壳蟹、海红鲷配紫苏叶；仲有一系列杂锦炸物、四季豆、茄子、南瓜……真系要咩有咩。享用呢一个御膳有一个特色，就系有三种唔同食法任君选择，一次过带俾你三种唔同体验。
34 浏览
0 赞好
0 留言
我哋按照指示牌，逐一享用呢款御膳。就我个人而言，我最钟意第三种食法——天茶泡饭，可能因为我本身好喜欢佢哋主厨特别秘制嘅高汤「鲣鱼汤」，口感清甜鲜美得嚟又唔油腻，堪称一绝！值得一提嘅系，呢度嘅白饭可以任添㗎，我朋友食咗足足两大碗饭啊！
软壳蟹丼
$158
12 浏览
0 赞好
0 留言
软壳蟹丼 $158
我哋另一个餐就叫咗香港限定嘅软壳蟹丼。材料当然唔少得软壳蟹，仲有皇帝菜樱花虾、温泉蛋、茄子、南瓜等等。炸到金黄色嘅软壳蟹一分为四，啖啖蟹肉肥美异常，蟹膏味道浓郁，令人爱不释「口」。
我朋友就好钟意皇帝菜樱花虾，因为樱花虾壳松软得嚟口感又香，畀人有一种想大口豪迈嚼虾嘅欲望；配搭埋皇帝菜，简直系健康之选。加上拌饭一流嘅温泉蛋，我哋完全食得出呢个丼饭嘅灵魂。
食咗咁多嘢，当然唔少得饮多两杯牛蒡茶作结喇！呢次体验真系带畀我哋游历日本一趟嘅美好感觉。See you next time!
张贴
