誠記小籠包拉麵

营业中

休息中

👧🏻细细个就喺诚记深水埗旧舖食过几次，地点方便，当时仲有芋圆食。不过诚记原来已经搬咗去西营盘。为咗怀念下昔日味道，👦🏻👧🏻专程去咗中西区行下！其实餐厅地点都几近西营盘站，食物加咗价，不过喺半山区嚟讲都算抵食/合理👍🏻。🌟蟹粉小笼包临近秋天，岩岩好系大闸蟹既旺季，梗系点个蟹粉小笼包🦀食下。小笼包皮薄晶莹剔透，汤汁蟹味浓郁鲜甜。🌟去骨樟茶鸭一直以黎👦🏻都觉得樟茶鸭系一道好特别既菜式，可能系因为👦🏻少食既关系。樟菜鸭先将鸭加以带有茶叶香味既卤水煮熟，再用油炸，所以👦🏻👧🏻食落口觉得外皮香脆，茶味香浓，香脆得黎鸭肉又保持到嫩滑既口感😛。想重口味少少仲可以点埋餐厅提供嘅盐+麻油海鲜酱。🌟自家制汤云呑清清地又想湿下口，紧系要叫啲汤食。一客汤云呑份量都唔少，冇认真数但一定超过6只。云呑皮又薄又滑，馅料就紧系用咗白菜猪肉，调味适中又冇咩肥猪肉，抵赞👍🏻。🌟大排担担面今次嘅淀粉质食物系炸猪扒担担面，炸猪扒炸得松化，食落每一啖都有肉香，再点少少吱咗喺面层嘅蜜糖，咸甜交杂不错不错。汤底重花生味🥜，面嘅质地亦刚刚好👍。