李家 (海壩街)

营业中

休息中

今日同老婆去左荃湾附近一个动物友善商场，睇完猫猫狗狗，就睇下附近有咩好食，老婆指定话要食炸鸡，应该系因为呢排煲韩剧。咁梗系唔可以怠慢，拣左间网上口碑话唔错韩式食店，试咗佢地几款食物。首先试左甜辣炸鸡。炸鸡外皮香脆入味，甜辣酱汁唔会过甜都唔会过辣，调和得恰到好处，尤其鸡肉嫩滑多汁，完全冇干柴嘅感觉。另外，试埋青辣椒蛋黄酱炸鸡，呢款炸鸡带有微微嘅辣味，同时又有蛋黄酱嘅香浓。青辣椒嘅独特香味同炸鸡完美结合，令味道层次更加丰富。蛋黄酱嘅浓郁同炸鸡嘅香脆形成强烈嘅对比。而芝士鸡蛋卷系一道唔可以错过嘅小食。鸡蛋卷嘅蛋皮嫩滑兼带有香浓嘅芝士味，配埋个蕃茄汁，食落口感丰富。最后试埋老婆每次去任何韩式食店都必点嘅韩式海鲜汤，汤底鲜甜浓郁，里面有虾、蟹同埋青口等丰富嘅海鲜，再加埋小小韩式辣酱，暖晒成个胃。呢间韩式店价钱唔贵，食物质素够高，之后可以同老婆再试埋其他韩式食品。