宏 (已結業)

新年前朋友专登whatsapp 我话食左黄埔呢间宏，个鳗鱼好好食，我心谂向香港食鳗鱼可以有几好食？寻日去开黄埔乎近，我就去食下，间舖位置系向Aeon 后面九号水产内，望落有D似food court ，我叫左一set三味嘅迷你三彩定食，有蒲烧鳗鱼饭、吞拿鱼鱼生饭及海藻乌冬，碗碗小小，可品尝唔同滋味；扁扁地哋自制海藻乌冬，食落自我感觉良好，滑＋弹嘅乌冬配上自家汤底，暖胃；吞拿鱼鱼生饭，鱼生新鲜，配上沾沾地珍珠米，无得输；蒲烧鳗鱼饭，我朋友真系无介绍错，条鳗鱼油脂分部充足，烧得香甜美味，每口好似食紧滑蛋咁，碗饭啖啖都黏上鳗鱼鱼油及酱汁，未食完已追加客蒲烧鳗鱼，去得相当尽；呢个定食还有沙律、小抹茶蛋卷及锡兰红茶，不得不提杯锡兰红茶，相当有水准，入口香醇，饮一口已令全个口腔都有香味，配合小抹茶蛋卷简直将全餐推至高峰。