影片
更多
2019-06-04
2763 浏览
First things first:* 环境、食材、服务一流* 建议book 枱先（铁板烧当日full 哂）* 适合庆祝、纪念、business lunch* 铁板烧上面嘅𠮶条bar 系用嚟保暖食物，食野唔好成个碟拎落黎曾经听人讲，当你食到好好味嘅嘢嘅时候，基本上唔会得闲讲嘢，就算讲都净系会讲到好味好味好味。呢个体验，我食和三昧嘅时候终于感觉到。首先讲吓佢嘅选址，餐厅位置系铜锣湾SOGO隔离，距离巴士站同地铁站好近，约人方便。餐厅环境好好，系日式浅色系既装修。我哋book咗铁板烧，坐到埋位有两个师傅系度烧紧野食。铁板烧area 大概坐到8-10人，当日连埋我地系full晒。打开个餐牌，朋友发板叫左个澳洲鲍鱼2人前套餐，好豪甘选配最贵嘅佐贺A5和牛。沙律有准山，啲酱落得啱啱好唔会太咸。店员首先拎左我哋呢台嘅海鲜盘俾我哋睇，只只都好靓。我地只澳洲鲍鱼超过400g，餐厅规定每克要加$2.5，我哋只鲍鱼450g，即系要补多$125。我地无所谓，就照去。师傅首先烧澳洲鲍鱼，好大只。只鲍鱼真系好新鲜同好大只，上铁板嘅时候佢仲识郁。我哋问过铁板烧师傅鲍鱼使唔使点啲咩酱，师傅话鲍鱼入边嘅海水味已经够
* 环境、食材、服务一流
* 建议book 枱先（铁板烧当日full 哂）
* 适合庆祝、纪念、business lunch
* 铁板烧上面嘅𠮶条bar 系用嚟保暖食物，食野唔好成个碟拎落黎
曾经听人讲，当你食到好好味嘅嘢嘅时候，基本上唔会得闲讲嘢，就算讲都净系会讲到好味好味好味。呢个体验，我食和三昧嘅时候终于感觉到。
首先讲吓佢嘅选址，餐厅位置系铜锣湾SOGO隔离，距离巴士站同地铁站好近，约人方便。餐厅环境好好，系日式浅色系既装修。我哋book咗铁板烧，坐到埋位有两个师傅系度烧紧野食。铁板烧area 大概坐到8-10人，当日连埋我地系full晒。
打开个餐牌，朋友发板叫左个澳洲鲍鱼2人前套餐，好豪甘选配最贵嘅佐贺A5和牛。
沙律有准山，啲酱落得啱啱好唔会太咸。店员首先拎左我哋呢台嘅海鲜盘俾我哋睇，只只都好靓。
我地只澳洲鲍鱼超过400g，餐厅规定每克要加$2.5，我哋只鲍鱼450g，即系要补多$125。我地无所谓，就照去。师傅首先烧澳洲鲍鱼，好大只。只鲍鱼真系好新鲜同好大只，上铁板嘅时候佢仲识郁。我哋问过铁板烧师傅鲍鱼使唔使点啲咩酱，师傅话鲍鱼入边嘅海水味已经够味。如果再想要其他嘅味，可以落少少沙律酱。但系面对咁新鲜好味嘅鲍鱼，所有酱都系多余。
第一啖食落去已经觉得佢好新鲜好有海水味，口感系林但又爽，每一片都食到高潮。师傅仲话问我地想唔想试鲍鱼嘅内脏，我不嬲都唔食内脏就pass，我朋友食咗一旧，觉得唔系咁啱口味都冇继续食。
大虾，大只好好味。
今日嘅是日海鲜系蟹。我超钟意食蟹㗎!! 嚟之前见到食评有啲人嘅是日海鲜系鱼。其实系鱼我都冇问题，但系蟹系更加好。好好味嘅蟹肉，不得了！
煮清酒煮蚬时，有一part系要点棵系啲酒精度，师傅点火之前会话俾你听，等啲要相机食先嘅食客可以拎定相机ready，好贴心～
个清酒煮蚬真系我食过最好味嘅清酒煮蚬，好有酒嘅味，亦都有海水同蚬嘅鲜味，只蚬系晶莹剔透㗎！我仲饮埋佢成个清酒煮蚬既汤！
去到A5佐贺和牛，佢系放系和民嘅面包上面，陪一啲炸嘅蒜片。两旧和牛好厚身，用筷子一夹已经感受到肉嘅里面系好林，果不其然，一摆入口好快就溶咗。好正！！
除咗厚身既和牛肉，仲有几旧薄烧，卷左d 入面，真系好好味，烧得好香，啱啱好又好夹。
之后师傅再炒咗个饭同埋杂菜俾我哋。
D 铁板烧食得七七八八，侍应就走黎同我地讲，可以坐佢去隔离，我哋就由铁板烧嘅area 转咗做旁边既梳化位。呢个时候就点埋餐茶同埋拣雪糕嘅味道。
成餐饭食物质素好、食材新鲜、环境舒服坐得自在、环境安静好岩倾计。埋单两个人接近$3500，但食足2.5hrs 又甘好味，都算物有所值。
张贴
