臺坊 (加拿分道) (已結業)

今日黎到尖沙咀工作，突然好想食盐酥鸡，就即刻四围揾到边到有台式餐厅，咁岩就揾到呢间「台坊」。餐厅系正转角位，大大只字写住「台坊」好易揾。我4pm去到，依然坐满晒人，睇黎都几受欢迎，就等我试试先！呢到主打都系台式野食，讲得出既台式食物呢到大部份都有。今日我就叫左盐酥鸡同佢推廌既黑糖仙草冻。盐酥鸡话咁快就黎到，鸡份量都好多，仲有鲁肉饭同卤蛋。先讲主角盐酥鸡，炸得好脆，面头唔会好多粉，而且亦唔会太咸，食落入面啲鸡仲系嫩滑多汁，一啲都唔老。如果有得加七味味或梅子粉就满分！鲁肉饭唔会太湿，有次去台湾食成旧糊仔咁，令我对鲁肉饭无咩好感，呢到反而好食啲！黑糖仙草冻，黑糖味都算出，食完咁热气既盐酥鸡食返啲仙草下火就岩岩好！埋单都系67蚊，有野食有台式野饮，好抵！