The Mafe Cafe (已結業)

今晚约左几个朋友食饭，又要就脚又要好食，睇到The Mafe Cafe 啲食评唔错就上嚟试试，首先地方都几大，坐位阔落，有两张各自坐10人的大枱，都见两班人玩得好开心。可能系Cafe关系，所以饮品选择超多，有成60款，我地拣左两款热饮两款冻饮，花茶系成壶上，所以几抵饮，一路倾计一路饮到尾。主菜叫左个黑松露意大利饭，好食又劲香黑松露味，忌廉味都无被抢，啲饭又唔会太稔，好食。日式黑椒牛柳饭卖相唔太吸引，感觉有啲中式，但味道好好食，入哂味，加上牛柳粒又大粒又有肉味，个个都大赞估唔正咁好食。烟三文鱼天使面，个烟三文鱼砌到好似朶玫瑰花咁好靓，食落仲有好多磨菇，好食。另外意粉又点少得卡邦尼意粉呢…忌廉好滑又香浓，仲有大量烟肉碎。小食嗌左个炸洋葱圈，好食又唔油腻，不错。最后甜品嗌左朱古力心太软配自选雪糕，心太软用心制作，用左30分钟，心太软外脆内软朱古力浆缓缓流出，唔甜好食。