影片
更多
2010-08-12
10 浏览
5月14日, 首先真系十分多谢Openrice邀请我地去呢个食家殿堂晚宴~ 不过由于名额只有一个, 呀比就让我呢个大食怪出席~ 今次呢个饭局主题系鸭肝, 真系好喇! 啱晒最钟意食肝嘅我~由于呀菲本身系个路痴, 又未去过今次嘅饭局场所, 实在觉得地点有d难揾… ::: Assorted Bread Basket :::面包篮卖相精美, 由软身意大利包至硬掘掘grissini都有. 不过可能摆咗一段时间, 已经不再新鲜热辣~ 味道唔算差嘅, 但冻晒就都几出事…::: Basil Sphere of Foie Gras and Ducking Rilette :::呢个菜式几特别, 而且亦都考心机同功夫. 球体里面系浓浓嘅鹅肝同鸭肉, 味道算不错, 但侧边d啫喱无乜味, 下面的多士也太硬… 基本上好难将多士同鹅肝球一齐食. 可幸鹅肝本身味道浓惹但不油腻, 都唔太需要多士去平衡味蕾~::: Lobster Bouquet of Zucchini Flower, Foie Gras Royale :::卖相实在要赞! 小青瓜煮得淋甜, 瓜顶的青瓜花蕊酿入弹牙爽口的龙虾肉, 虾味浓郁~ 而青瓜花又
由于呀菲本身系个路痴, 又未去过今次嘅饭局场所, 实在觉得地点有d难揾…
::: Assorted Bread Basket :::
面包篮卖相精美, 由软身意大利包至硬掘掘grissini都有. 不过可能摆咗一段时间, 已经不再新鲜热辣~ 味道唔算差嘅, 但冻晒就都几出事…
::: Basil Sphere of Foie Gras and Ducking Rilette :::
呢个菜式几特别, 而且亦都考心机同功夫. 球体里面系浓浓嘅鹅肝同鸭肉, 味道算不错, 但侧边d啫喱无乜味, 下面的多士也太硬… 基本上好难将多士同鹅肝球一齐食. 可幸鹅肝本身味道浓惹但不油腻, 都唔太需要多士去平衡味蕾~
::: Lobster Bouquet of Zucchini Flower, Foie Gras Royale :::
卖相实在要赞! 小青瓜煮得淋甜, 瓜顶的青瓜花蕊酿入弹牙爽口的龙虾肉, 虾味浓郁~ 而青瓜花又够清甜, 好味~ 垫底仲有一片薄薄嘅蒸蛋白, 配上鹅肝酱汁, 味道一淡一浓, 更突出鹅肝鲜味. 成个菜有创意, 有心机, 味道又好~ 很欣赏!!
::: Sushi Crispy Canadian Beef with Black Muscat Grape and its Crispy Peel :::
加拿大牛寿司两食, 左边一件以熟牛肉同提子干寿司. 寿司饭稍微炙过, 调味亦都唔错~ 不过个牛肉就肉味较淡, 一般啦~ 另外隔离个炸牛肉卷就有d怪, 炸过嘅紫菜外层炸皮又唔系好脆, 入面粒牛又无乜肉味… 中间个士多啤梨装住d沙律酱, 原来系用黎点个炸牛肉卷一齐食… 不过我地大部份人都系食晒先知…
::: Foie Gras Croustillant on Seared Akami of Tuna and Organic Fig Tartare :::
火上加油之俵俵者! 原本已经系成担油嘅鹅肝再另用黎炸, 配上面头一pat甜甜地嘅酱, 虽然味道唔错, 质地亦能做到外脆内软, 但亦实在太过油腻喇…半熟吞拿鱼扒则唔系我杯茶, 肉质太实唔够嫩, 而且有d腥.
::: Braised Lamb with Blue Chipper Potato, Wild Fennel Spatzle :::
黎到主菜, 要了烤羊膝配蓝薯薄片. 羊肉份量好大, 置于排得靓靓嘅薄薯片之上. 大厨入黎介绍呢个羊系包咗层猪网油去烤, 果然能为羊肉增添一份猪油香~ 但牛膝本身质地唔算嫩, 亦无乜羊膻味, 只是一般… 反而垫底嘅薯仔充分吸收晒羊肉同猪油香, 而且够薄, 焗得够淋, 好好味!!
::: Crème Brûlée of Foie Gras and Honey, Cocoa Sherbet :::
喜欢食甜品嘅我, 本身对呢个鹅肝Crème Brûlée同Cocoa Sherbet都颇期待~ 鹅肝Crème Brûlée面头系有层唔知系油定咩嘅透明野. 质地系绵绵的, 食落又咸又甜其实几得意! 不过系有d似咸蛋mousse咁… 另一个Cocoa Sherbet就麻麻地, 可能Crème Brûlée味道太浓太腻, Cocoa Sherbet则略嫌可可味太淡, 又无甜味, 唔知点咁.
::: Coffee :::
饮品要了热柠茶, 都无话特别好特别差, 只为成餐胆固醇消消滞…
::: Friandises :::
本身对macaroon兴趣一般, 但见佢地卖相精致颜色缤纷, 亦试咗一块. 呢度macaroon嘅厚度比平时饱满, 咬落都几软熟, 甜度适中, 不错~
今次鸭肝盛宴菜式丰富, 亦从菜式卖相及烹调技巧看出厨师嘅心机~ 不过有时fusion创新唔一定好. 可能传统简单会更出色~ 作为一个入门级小小食家, 平时成日睇d殿堂食家嘅食评, 今次能够参与饭局, 认识咁多位殿堂食家, 实在系一次有趣经历! 真系多谢openrice~ 希望下次再有机会去玩玩食食啦!
张贴
