妹記大排檔 (已搬遷) 新店位置

9月又到re-u既时间!!今次同班fd去尖沙咀既妹记大排档食饭，因为之前book左位，所以一去到就有位坐。可能因为就黎打八号风球既关系，虽然个时7点几，但入面仲有好几枱冇人坐，但听我个fd讲，平时如果冇book位既话通常都要等位。餐牌上面都系D普通大排档可以叫既野食，不过妹记最特别既地方莫过于佢地用黎装啤酒既「战斗碗」。当我地仲思索紧只「战斗碗」有咩用既时候，有个侍应专登行过黎强调只「战斗碗」只系用黎装酒，别无他用。唔知系咪个名既关系，用呢只「战斗碗」饮啤酒特别爽。我地叫左炸猪手、小炒王、通菜煲同煎蚝饼。落完单5分钟后就上齐哂𩠌，效率好高!!值得一赞个人认为四样𩠌之中最好食系小炒皇。佢有韭菜、鱿鱼、银鱼、腰果、虾干、带子同笋，食材丰富得黎又唔会太油太咸，能够保留住每种食材既鲜味，真系一流。炸猪手D肉都炸到啱啱好，唔会太难咬。但系蚝饼就记住热食哂佢啦，因为冻左之后食味道就一般啦。通菜煲不过不失，味道正常，想叫样菜食既不妨一试。总括黎讲，妹记食物味道唔错，上菜效率高，而且可以系有冷气既情况下食到大排档既𩠌，真系不失为一班friend吹水聚旧既好地方。