影片
更多
2024-07-02
2480 浏览
南山邨 品香楼有朋友返嚟香港度假， 约咗一大班人出嚟食饭， 去咗品香楼， 去到一睇吓一跳， 果然名不虚传， 座无虚席， 如果唔系订咗位，都唔知食唔食到～叫咗梅菜蒸菜心、 琵琶豆腐、炸猪手、 花枝片炒西兰花、黑椒牛柳粒、 当然唔少得个招牌风沙鸡同埋冻朱古力～个梅菜蒸菜心系用竹笼同荷叶蒸嘅， 唔单止有荷叶嘅香味， 而且蒸出嚟嘅菜心比起普通烚既菜心更加嫩同淋， 而且加咗梅菜一啲草青味都冇好好食～琵琶豆腐炸得够香口， 加埋啲芝士汁好浓郁，又唔腻， 好似可以加面底但系𠮶次叫左好多野食所以无加～炸猪手都唔错， 唔会炸到好柴好干争争， 而且啲肉都好入味～花枝片炒西兰花有啲惊喜， 通常外面𠮶啲乜乜炒西兰花，一系就烚到啲西兰花过淋， 一系就好似生生地好硬， 依次食嘅西兰花软硬适中， 同埋好难得咁炒到有蒜蓉味～我自己就觉得冇乜太特别， 同外面𠮶啲分别唔系好大～最后系只鸡， 只鸡个整法有啲似炸子鸡，然后上面铺咗好多炸蒜碎， 只鸡啲皮炸到好趣啲肉仲系好滑仲爆汁， 而且好惹味， 同埋上边啲炸蒜好好味， 唔会好似外面有啲咁苦苦地， 我听有啲人讲话只鸡要预先订， 有啲人又话唔使， 所以如果大家想去试嘅话，安全起见都
有朋友返嚟香港度假， 约咗一大班人出嚟食饭， 去咗品香楼， 去到一睇吓一跳， 果然名不虚传， 座无虚席， 如果唔系订咗位，都唔知食唔食到～
叫咗梅菜蒸菜心、 琵琶豆腐、炸猪手、 花枝片炒西兰花、黑椒牛柳粒、 当然唔少得个招牌风沙鸡同埋冻朱古力～
个梅菜蒸菜心系用竹笼同荷叶蒸嘅， 唔单止有荷叶嘅香味， 而且蒸出嚟嘅菜心比起普通烚既菜心更加嫩同淋， 而且加咗梅菜一啲草青味都冇好好食～
琵琶豆腐炸得够香口， 加埋啲芝士汁好浓郁，又唔腻， 好似可以加面底但系𠮶次叫左好多野食所以无加～
炸猪手都唔错， 唔会炸到好柴好干争争， 而且啲肉都好入味～
花枝片炒西兰花有啲惊喜， 通常外面𠮶啲乜乜炒西兰花，一系就烚到啲西兰花过淋， 一系就好似生生地好硬， 依次食嘅西兰花软硬适中， 同埋好难得咁炒到有蒜蓉味～
我自己就觉得冇乜太特别， 同外面𠮶啲分别唔系好大～
最后系只鸡， 只鸡个整法有啲似炸子鸡，然后上面铺咗好多炸蒜碎， 只鸡啲皮炸到好趣啲肉仲系好滑仲爆汁， 而且好惹味， 同埋上边啲炸蒜好好味， 唔会好似外面有啲咁苦苦地， 我听有啲人讲话只鸡要预先订， 有啲人又话唔使， 所以如果大家想去试嘅话，安全起见都系订定先稳阵～
最后就系杯冻朱古力， 杯冻朱古力好好饮， 但系可能我本身唔系好钟意cream， 所以我下次饮可能会叫佢走cream～
张贴