釜之魂釜飯專門店 (淘大商場) (已結業)

上次去大阪旅行最后悔系无食釜饭（因为太多人排队），今日决定弥补当日既遗憾，去左九龙湾淘大既釜之魂。入面空间几大，坐得几舒服。座位旁边有的啲表情牌，唔知食完会唔会系呢个表情呢😘一落单之后就有小食同面鼓汤，面鼓汤好大碗不过有啲太咸。我一生鳗鱼魂，所以叫左金魂釜饭。上菜𠮶下有啲惊喜因为鳗鱼几厚身，入口几软腍肥美。饭几烟烟韧韧，而且粒粒分明。酱汁甜甜地，份量亦足够捞饭。金魂仲有大量健康配料包括蛋丝同红萝白。女友叫左龙虾汤稻庭乌冬，汤底几鲜甜，稻庭乌冬特别弹牙，浸左好耐都唔会太腍，虾有三、四只非常公道。串烧玉子好大支，蛋味超香。食完非常满足，终于可以一尝釜饭😘