鳴虎 (新城市廣場三期) (裝修中)

今日同屋企人行完一田行到攰攰地就求其揾间餐厅食晚餐咁啱有间餐厅食拉面，记得呢间餐厅之前喺北角食过都唔错，今次就拣咗嚟食晚餐。呢间餐厅铺位比较细小得几张枱凳，装修风格比较简约。今次我哋就叫咗个鸣虎拉面同埋鸣海老拉面仲有小食芝麻鸡翼。鸣虎拉面日本鱼干猪骨汤拉面汤底充满非常浓郁嘅猪骨味同鱼干味浓而不腻，拉面粗幼度适中口感弹牙软滑，更配上咗大大块嘅叉烧肥瘦适中，以及脆口既木耳丝，紫菜同埋入口甘香既流心半熟蛋。鸣海老拉面虾味噌猪骨拉面汤底带有啲樱花虾粉咸咸香香，同埋咸中带甜嘅味噌十分鲜味，另外面头更铺满樱花虾增加口感，面条非常挂汁。芝麻鸡翼一共有三只大大只，炸得^得非常脆口非常有惊喜。