大滿屋日本料理 (已結業)

今晚同女友系观塘行完街，知道亚太中心系开饭既集中地！所以我地就去左果度揾食~~大满屋既地方都几大，坐爆哂人都冇逼夹感。装修简单，但有好多和风既摆设，几特别。我地试左咁多野食，觉得有几款好食，大家记得要点！！--新鲜甜虾--甜虾非常新鲜，弹牙唔黏口。证明d虾新鲜无长期冷藏。--原只蟹粥--粥底煲得好绵好滑，加上原只蟹肉，鲜味十分，热辣辣，好甜好好味。--日式炸紫薯--咬落烟烟韧韧，味道甜甜地既紫薯，几得意。--串烧翠肉瓜--薄切既翠肉瓜，上面洒上淮盐，意料之外，超级惹味！食饭尾声，女友发现窗外有d灯饰同激光，八卦问下服务生外面系咩黎。原来外面系可以行出去架~~如果有吸烟者既朋友就岩哂了，出面系吸烟区，而家有靓灯饰睇，一边食烟一边欣赏，哈。