喜惶點心專門店

营业中

休息中

喜惶点心专门店老板系牛肉世家，三代攞牛肉，所以此铺所有牛肉全部靓货，但凡有牛肉嘅点心都系好食，有牛肉味。葱花炸两肠粉正正常常食开嘅味道，未见有乜野特别突出。无味精老火汤够料老火汤，十蚊大大碗，是晚系木瓜雪耳煲肉排，唔咸足料，有汤味，抵饮好饮，系衰在唔够热啫。纸包骨实在系太耐无食过，排骨与软骨位，因为包住间油纸去炸，所以可以食到油炸嘅香脆但又唔系太油腻，但其实食味一般，食其回忆。金钱肚正常酒楼食味，无乜特别。陈皮山竹牛肉球依个好食，陈皮味同牛肉味好立体互相匹配，牛肉好明显系靓货，肉质嫩滑弹牙，有牛肉味，非常多汁，牛肉打得弹牙又结实，好食。干蒸牛肉依个都好食嘅，但明显与山竹肉球有嘅对比，有啲干身，牛肉汁与山竹牛肉对比就明显唔够，但其实都系好食嘅。粟米煎牛饼食完蒸嘅就食煎，粟米嘅甜与牛肉嘅鲜都好匹配，虽然系煎，但系师傅控制得几好，皮煎得几干身，但咬落还有肉汁，好食。密瓜炸鲜奶依个就好似食紧固体嘅阳光密瓜豆奶咁，系完全一样味嘅，我原本就好钟意密瓜豆奶嘅，所以觉得几好食。整体而言，抵食又好食，好值得帮衬。