熱點點心專門店

营业中

休息中

约左朋友一齐相聚，叹返餐久违嘅下午茶。今次叫左茶芥($5)*2、热点虾饺皇($9/件)*2、蟹籽烧卖皇($9/件)*2、酱汁蒸凤爪($20)、韭王鲜虾肠($28)、猪仔咸水角($28)、赛螃虾春卷($22)、雪山叉烧包($18/2只)、日式鳗鱼饭($38)韭王鲜虾肠：肠粉类别最中意就系食虾肠，呢到d虾都大大粒，个皮入口够滑，不过如果皮可以再薄身d就口感更加好👍🏻酱汁蒸凤爪：酱汁味浓，所以d凤爪都好惹味，底下仲有d花生可以食下😋猪仔咸水角：3只猪仔好可爱得意，卖相一流😍外层香脆，内层咸水角d馅料都唔错够香口热点虾饺皇、蟹籽烧卖皇：食得点心边少得虾烧卖😜虾饺虾肉弹牙，而烧卖就大大粒几好食，肉质食落唔会梅👍🏻赛螃虾春卷：春卷皮够脆兼且唔油腻，内里蛋白整得好嫩滑，点埋个喼汁食更加滋味😁雪山叉烧包：个包大大件，外层够脆酥，内里叉烧味香浓。虽然外表简单，但食落绝对出色🤤日式鳗鱼饭：份量足超大碗，冇谂过食点心嘅地方居然都有鳗鱼饭食，仲要水准唔错😋黎张大合张😁呢到逢星期一至五都系免加一，埋单$200，喺呢段期间可以同朋友叹返一盅两件，舒解下D压力同生活中嘅苦都唔错🥰补MENU