富城火鍋海鮮酒家

营业中

休息中

听朋友介绍话佢嘅点心唔错款式又多,所以专程嚟睇睇。系地下大门口望入去外貌(不同凡响),一般酒楼都系灯光火著金碧光煌,但系依间野光线唔多足够。原来再要上楼梯行多一层去二楼,见到茶客又唔少㖞自己揾到靠窗边有二人位坐底等咗五分钟都无伙记得闲理你。不过佢哋真系(踢晒脚),得两三个人大概要招呼三十几台茶客结果搅到要自己行去水吧攞水兜热水洗茶杯碗碟再行去同一个女企堂讲请佢开壶普洱茶。之后就拣咗几款点心再攞埋收银柜面放落入单果个胶兜度依种经验起码已经无做十几年喇不过食落啲点心味道果然👌首先原只虾饺$5.8/2只,都交到货嘅。罗汉斋肠粉$10.8好啱好味绿茶香芋饼$16.8好有新鲜感,淡淡嘅绿茶味道之后有芋蓉嘅香味生煎包都OK,热烫烫。潮州靓粉菓系最唔掂嘅,大件得嚟无乜味道本来已经食到饱到上心口,但系男部长又攞咗碟银萝脆肠粉$20.8嚟,当然同佢讲无叫到喇。不过佢话好正㗎虽然搅错咗但即管试吓喇。入口果然唔错一般酒楼只会做到 将油条卷入肠粉里面,但系佢居然再可以系油条里面放入热烫烫嘅萝卜丝。好得依一餐两人超额咁食,埋单$115。