永和快餐小食店

营业中

休息中

有时喺公司做到夜晚六七点，见到仲有大把嘢做，真系宁愿填饱个肚先继续做。但如果一丁友嘅话，你想叫外卖人哋都未必肯送，尤其系啲受欢迎嘅餐厅。永和喺我旧公司隔两条街，系好难得一位都很肯送外卖嘅茶记。当然味道只系不过不失，不过OT紧又边有心情食山珍海味吖。佢晚餐都供应午市碟头饭。试过呢只葡汁鸡扒，味道OK。落咗唔少芽菜平衡返。佢六点半前落单可以叫下午茶餐，呢只肉燕饺通粉几好食，又落咗啲葱头提味。有时食晏想随便解决都会帮衬佢，So far 我觉得佢啲质素都系对得住价钱嘅。喺上环做饮食可以开喺永和街五六年，都算做得唔错架啦。