摩芽雞蛋仔

营业中

休息中

話說唔記得8定係10年前，喺元朗食過摩芽朱古力雞蛋仔，覺得好好食，一直都有幫襯，但係佢元朗分店之後執咗冇得再食喇。然後又發現佢喺葵芳都有分店，諗住都好啦，葵芳都間唔中有去。點知佢後尾葵芳店都冇做。一直都好掛住佢嘅雞蛋仔。咁啱今日去太子，知道佢依家唯一一間舖頭只有太子，咁就特登去佢舖頭走一趟。依舊係叫朱古力雞蛋仔（$26），等咗大概十幾分鐘就有喇。好彩呢間舖頭同以前喺元朗食開嘅一樣，都係咁好味。外脆內軟熟，朱古力粒半溶既狀態。下次有機會去開太子，我都一定會過嚟再買。希望佢呢間舖頭守得住.