摩芽雞蛋仔

营业中

休息中

话说唔记得8定系10年前，喺元朗食过摩芽朱古力鸡蛋仔，觉得好好食，一直都有帮衬，但系佢元朗分店之后执咗冇得再食喇。然后又发现佢喺葵芳都有分店，谂住都好啦，葵芳都间唔中有去。点知佢后尾葵芳店都冇做。一直都好挂住佢嘅鸡蛋仔。咁啱今日去太子，知道佢依家唯一一间舖头只有太子，咁就特登去佢舖头走一趟。依旧系叫朱古力鸡蛋仔（$26），等咗大概十几分钟就有喇。好彩呢间舖头同以前喺元朗食开嘅一样，都系咁好味。外脆内软熟，朱古力粒半溶既状态。下次有机会去开太子，我都一定会过嚟再买。希望佢呢间舖头守得住.