富臨 (已結業)

平时嚟富临饮茶就饮得多，今晚同屋企人，有老有嫩嚟天水围晚饭，庆祝父亲节。炎炎夏日，叫个海皇冬瓜盅，好多料，无味精...饮咗几碗都唔口渴，走地鸡配蒜蓉蛏子皇，只鸡超正，劲入味👍🏻蛏子加埋蒜蓉粉丝，好新鲜。葱爆牛仔骨，甜甜辣辣咁，个味好夹，唔同平时出面食开嘅味道，泰皇虾球炒通菜，辣辣地好好味😋 最特别系姜葱焗桶蚝，望落仲以为系鱼云煲，大大只食落口又juice, 无谂过姜葱配蚝系咁好食😍😍😍好钟意呢个场好大坐得好舒服，完全无压迫感，婚宴摆酒好正呀！