牛石料理 (已結業)

今次已经系第二次嚟食饭啊，上次系主要食烧肉，见佢呢排出咗咁多款新菜式，就决定试吓佢其他料理我哋今次主要嗌咗熟食同丼饭为主，一入到去见到有个日本海胆丼已经觉得好吸引，就即刻嗌左黎试海胆嘅份量同相入边一样，海胆叠到好高好足料，我哋将啲饭同海胆包系紫菜入边食，食到海胆嘅鲜甜味同埋好creamy，一d都唔苦亦唔会好重海水味，同吞拿鱼茸好夹另外𠮶个就系帝王蟹丼， 蟹肉同样都搭到好高，我地先食左好多蟹肉先再食下面d饭，可以大啖大啖咁食d蟹肉真系好爽， 冇落豉油就可以完完整整咁食到佢甜味 银雪西京京烧，上次已经食过一次今次再嗌，真系烧得好嫩滑同入味，点埋少少沙律酱食真系会食唔停口㗎另外嗌咗个软壳龙虾海葡萄沙律，海葡萄好爽口，都几清新，依个软壳龙虾可以成只连肉连壳一齐食嘅，龙虾肉好弹口，份量虽然唔系好大，但呢个价钱已经算好合理之后就嗌咗个明太子樱花虾茶泡饭，樱花虾同明太子嘅味好夹，有少少咸咸地，用茶嘅泡饭中和左佢哋嘅味道，食落都几清新 软壳蟹沙律，软壳蟹嘅份量都几多，炸到外脆内软，虽然软壳蟹已经经过油炸但系仍然食得出佢嘅甜味，配埋沙津既清新味道，啱啱好