香港達人 (新翠商場) (已結業)

新开张嘅时候头几个月去过几次， 每一次都一定会有问题出现。 一系就饮品极耐都唔上， 一系就嘢食错或者上得劲慢。试过 饮过一杯超级苦嘅柠檬茶，根本个柠檬就系坏嘅， 试过食肉酱意粉谂住好稳阵， 点知食落完全系唔知乜嘢味，而且啲肉酱系深啡黑色嘅，好恐怖，食剩咗大半碟。 最近谂住畀多次机会佢去试下， 叫咗三个下午茶， 等咗半个钟都一个都未上， 叫个staff跟跟佢话焗嘅系要等耐啲， 但其实三个餐得一个系要焗的… 之后食咗两个餐第三个都未来最后取消咗埋单走人…食物唔得，服务一样差到死… 个个阿姐都蠢落单又落错又冇礼貌，后生嘅都唔见得好，试过佢哋整跌咗张单落地，佢就咁执番，一野定返落我张枱度 ，一句sorry又冇，张单差啲掉落我碟饭到， 望都冇望一眼就咁拧转头走咗， 完全唔知乜嘢态度呢间咁嘅嘢望佢快啲执笠， 打死都唔会再帮衬