Outdark (飛達商業中心)

营业中

休息中

Outdark一直系韩国餐厅D first choice，分量同味道一直都好OK。不过，今次去到Outdark，价钱都加咗唔少，其实都正常嘅，今时今日出街食嘢一D都唔平。今次餐厅主题系樱花主题，天顶挂住好多樱花，好靓。Outdark Yogurt (Strawberry)，士多啤梨味好浓，同yogurt好夹，饮落唔会好甜，可以解腻。烤牛肉炒粉丝，烤牛肉一向系Outdark强项，牛肉烤得好香口，同埋份量都好多，牛肉食落好鲜甜。其他配菜都好丰富，仲有木耳，蘑菇等, 粉丝炒得好惹味，每一啖粉丝都包埋酱汁，好好味。辣炒猪肉铁板，哩份铁板劲丰富，有凤梨，泡菜，紫菜饭，同埋半圈芝士粟米，中间辣炒猪肉仲有洋葱和芽菜。猪肉用韩式辣酱一齐炒，食落好够味道，好似去咗韩国食嘢。FD最钟意食芝士粟米，仲捞埋紫菜饭一齐食，成份芝士粟米都比佢食晒。哩份铁板真系超大，2个女仔食完真系超饱肚TIM。Outdark质素一直都keep得好好，以后会再encore！