一碗小麵

营业中

休息中

星期五晚约咗朋友喺呢边食饭，朋友钟意食酸酸辣辣，我就想食碗汤面，又想食口水鸡，上网揾一揾就拣咗呢度开饭。细细间铺头，好似家庭式经营，后生女好有礼貌，口音唔似香港人。餐牌都有好多选择，最后我哋决定一人拣一碗面，另外加左两款小食。鸡丝酸辣米线 - 拣咗小辣，汤底比较浓郁，酸味唔太重，唔系我想像中𠮶种酸辣，鸡肉嫩，冇雪藏嘅味道，个汤好易入口，饮饮下都饮咗半碗，米线好多，如果拟佢呢个米线嘅份量再多啲汤会更加好。酸辣粉 - 呢个真心好味，原本想拣中辣，后尾店员提我地中辣可能会太辣，所以我哋都系拣咗小辣，汤底香辣野果，好钟意𠮶浸酸味，配上木薯粉，肉碎花生辣椒，好好味，都系如果汤能够再多啲就更加好。口水鸡 - 我要赞一赞佢哋嘅鸡真系完全冇雪味，比起好多上海铺都做得更加出色，口水鸡嘅辣汁香，浓，嘢味，唔会太辣，亦都唔会过油，成碟鸡差唔多比我食晒。麻麻哋花甲 - 一啲都唔会麻麻哋！虽然唔系我心目中大大只嘅花甲肉，但系食得出好新鲜，麻辣麻油好香好醒胃，加埋少少芫荽葱令到成个小食好香口。我哋冇叫野饮，店员会自己主动帮我地加茶，值得加分！下次谂住试吓佢哋个水煮牛！