影片
更多
2015-08-27
1864 浏览
因为作感冒，所以去咗佐敦嘅一间桑拿揼骨蒸一蒸，顺便睇埋阿仙奴vs利物浦，点之又俾利物浦咁好命又咁好彩唔驶输波，睇完波抖到八点就起身去揾早餐食，仲病病地，想揾碗粥食下，新兴栈就最好不过，好耐未来过了，呢度主打鱼类嘅粥，你叫得出鱼嘅部位，大部分都有，除非卖哂，仲要最平嘅一碗粥都要$37，最贵可以去到$5X，其他非粥类如姜葱/白灼鱼头、咀、骨、腩、卜就要$73。我是一个真穷鬼，又想食鱼、又想食肉，所以点碗最平而又可以双并嘅肉丸鱼片粥($37)，我听到其他食客点嘅粥全部都$50起，佢哋又叫油炸鬼($10)、又炒面($25)、姜葱鱼卜($73)，哗，埋单咪过百？终于等到肉丸鱼片粥来了，呢度又有一个特色是每碗粥上面都会放大量生菜丝，其实又几健康呀，粥底绵滑又够鲜甜，鱼片刚熟够爽口，粥内已加姜丝，配粥一齐食可辟鱼腥味，不过要小心鱼片有细骨，肉丸弹牙又好咬口，真的做得不错，如果我有钱，下次一定再来食碗过$50嘅富贵粥。新兴栈食家地址 : 油麻地宁波街23号电话 : 2783 8539
因为作感冒，所以去咗佐敦嘅一间桑拿揼骨蒸一蒸，顺便睇埋阿仙奴vs利物浦，点之又俾利物浦咁好命又咁好彩唔驶输波，睇完波抖到八点就起身去揾早餐食，仲病病地，想揾碗粥食下，新兴栈就最好不过，好耐未来过了，呢度主打鱼类嘅粥，你叫得出鱼嘅部位，大部分都有，除非卖哂，仲要最平嘅一碗粥都要$37，最贵可以去到$5X，其他非粥类如姜葱/白灼鱼头、咀、骨、腩、卜就要$73。
我是一个真穷鬼，又想食鱼、又想食肉，所以点碗最平而又可以双并嘅肉丸鱼片粥($37)，我听到其他食客点嘅粥全部都$50起，佢哋又叫油炸鬼($10)、又炒面($25)、姜葱鱼卜($73)，哗，埋单咪过百？
终于等到肉丸鱼片粥来了，呢度又有一个特色是每碗粥上面都会放大量生菜丝，其实又几健康呀，粥底绵滑又够鲜甜，鱼片刚熟够爽口，粥内已加姜丝，配粥一齐食可辟鱼腥味，不过要小心鱼片有细骨，肉丸弹牙又好咬口，真的做得不错，如果我有钱，下次一定再来食碗过$50嘅富贵粥。
新兴栈食家地址 : 油麻地宁波街23号电话 : 2783 8539张贴
