影片
更多
2015-08-14
1385 浏览
今日食咗个brunch之后，就冇食过野啦！所以到咗五点就觉得好肚饿，咁岩又系红磡！所以就睇吓附近有咩好嘢食，发现咗有一间食重庆辣面嘅小店！天气热都想食啲辣野所以就入去试吓！环境方面我觉得老板娘都好有心思！墙上面有一啲植物挂左响度，而且亦都有铺头嘅英文名Yvonne's Noodle！而座位方面就大约有二十个左右。另外一边嘅枱面有一啲自己种嘅辣椒同埋柠檬草！每张枱面都放咗一樽菊花茶，菊花茶系自家制嘅，我觉得感觉几好！因为食完辣野之后饮返啲菊花茶可以清热解毒，而且呢个菊花茶系无糖嘅，所以一饮落去就觉得有好清新嘅菊花香味！𩠌嘅选择大概有十几款左右啦！面条方面可以选择拉面或者系薯粉，又可以选择汤面或者系干捞！现辣到亦都可以跟随个人嘅喜好拣走辣/微辣/小辣/中辣或者地道辣！另外仲有凉菜都有十几款可以选择！如果想食小炒嘅朋友要留意，因为唔系日日都有！要星期四至日嚟先有得食架！而且我系五点半前入去，所以仲有优惠！好扺食！个面平咗，仲可以用优惠价加小食！我最后拣咗中辣猪手面，我唔够胆拣地道辣怕真系会劲辣！我再叫多咗一个凉菜口水鸡！特价优惠都系$55！原价要七十几蚊架！口水鸡本身系重庆嘅名菜，着重系酱料
今日食咗个brunch之后，就冇食过野啦！所以到咗五点就觉得好肚饿，咁岩又系红磡！所以就睇吓附近有咩好嘢食，发现咗有一间食重庆辣面嘅小店！
天气热都想食啲辣野所以就入去试吓！
环境方面我觉得老板娘都好有心思！墙上面有一啲植物挂左响度，而且亦都有铺头嘅英文名Yvonne's Noodle！而座位方面就大约有二十个左右。
另外一边嘅枱面有一啲自己种嘅辣椒同埋柠檬草！
每张枱面都放咗一樽菊花茶，菊花茶系自家制嘅，我觉得感觉几好！因为食完辣野之后饮返啲菊花茶可以清热解毒，而且呢个菊花茶系无糖嘅，所以一饮落去就觉得有好清新嘅菊花香味！
𩠌嘅选择大概有十几款左右啦！面条方面可以选择拉面或者系薯粉，又可以选择汤面或者系干捞！现辣到亦都可以跟随个人嘅喜好拣走辣/微辣/小辣/中辣或者地道辣！另外仲有凉菜都有十几款可以选择！
如果想食小炒嘅朋友要留意，因为唔系日日都有！要星期四至日嚟先有得食架！
而且我系五点半前入去，所以仲有优惠！好扺食！个面平咗，仲可以用优惠价加小食！我最后拣咗中辣猪手面，我唔够胆拣地道辣怕真系会劲辣！我再叫多咗一个凉菜口水鸡！特价优惠都系$55！原价要七十几蚊架！
口水鸡本身系重庆嘅名菜，着重系酱料上嘅调味！而呢度嘅将要做得好好，一食落口有一个好香辣嘅感觉，但又唔会过辣，而且都好入味！其次就系好怕食冷盘嘅鸡时会遇上D好肥腻，但呢度嘅鸡一啲都唔肥腻，鸡皮仲好爽口添！
猪手亦都好入味，而且骨胶原好丰富，好爽口！老板娘话猪手用咗十几种唔同嘅香料！而我拣咗嘅中辣亦都刚刚好，呢度用嘅辣椒、花椒都系老板娘系重庆入货嘅！
拉面软硬度适中，食紧嘅时候系度谂如果系捞面嘅话一定更加好食！
同老板娘讲多左两句，佢请我食麻辣木耳。
今次木耳嘅酱汁同口水鸡、拉面唔同，今次嘅酱汁系酸酸辣辣嘅，木耳都好爽口入味！我觉得如果钟意食辣嘅朋友可以来试一试！
张贴
