蔦 (已結業)

今日又到尖沙咀shopping, 想买一个轻身容量大既👜手袋。11点到海港城, 无咩可以选择因为餐厅多数都要12点先开。所以就拣左呢间11点开同位置非常方便既茑。我地点左酱油叉烧拉面, 豚骨味玉拉面同一罐可乐。酱油叉烧拉面 - 我地本身都比较喜欢猪骨汤底既日式拉面, 但见餐牌写到酱油汤底系佢地既招牌所以其中一碗就点左酱油拉面。侍应将拉面送到面前, 第一啖当然要试下佢地既招牌汤底, 嗯....点讲好呢, 我地都一致认为好似饮紧有松露酱味道既中式煲汤咁, 而重点系我地都觉得传统中式煲汤仲要好饮D, 层次仲要比呢碗酱油汤底丰富D。豚骨味玉拉面 - 豚骨汤底比酱油汤底好味, 跟我较早前食过既霸吗拉面差不多既质素, 味道正常, 不甚浓郁, 比起我近期最爱的熊拉面汤底就差得远。叉烧也是正常表现, 普通。味玉唔得, 煮得耐左, 唔流心。茑系我近呢半年食过价钱最贵💰既拉面, 但味道平平亦欠缺特色。