老街 (已搬遷) 新店位置

路经旺角此地，见到依间台湾店好多人食紧，咁我都唔客气咁好八卦咁入去食试下食。我叫咗一碗台湾卤肉饭(大碗)试下。台湾卤肉饭(大碗)：完全冇谂过呢碗卤肉饭真系好大碗，其实两个人食都会饱。刹那，我好后悔我叫咗呢碗饭，因为咁样我就叫唔到其他野食。卤肉饭既饭面有卤肉、红萝卜、粟米、同椰菜粒。蔬菜类系冇味道可言嘅。而佢既卤肉除左有肉燥外，应该仲有D肥猪肉，我估系五花腩之类既食物。我食左少少之后就觉得有点腻，但系卤肉汁送饭的确系一流。