築地番本日式放題 (已結業)

我系因为琴晚食完决心要开个ac写篇真实既食评，亦并唔系打手。其实两年前已经去左番本放题，又系见咁多like就去试，结果一啲都唔好食！依家又多间筑地番本放题，又系同样情况，我好怀疑哩两间番本啲like系点黎？？首先，又有得食蒸气锅又有得食放题，卖点系几唔错，因为我冇食过其他地方既蒸气锅，尚且唔能够评论太多，只系依旧成旧砖咁既肉系咩一回事？同埋2个人去想个蒸气锅相当细，每次蒸得啲咩？蒸蒸下都冇咩耐性了。。。其次，放题方面，鱼生有粒蚊系咩事？见到之后已经唔敢再叫多round鱼生。跟住有啲熟食已经算ok架喇，对味蕾好有冲击，食完淡矛矛既蒸气锅再食翻啲煮得咁咸既野食，系别有一番风味既！跟住要讲既就系佢既蚬系我食过最细只既蚬，但又好神奇可以有好多沙有沙唔出奇，但系啲蚬真系相当唔足月 我食紧啲咩？！唯一可赞既地方系佢既服务系好好，但坦白讲完全弥补唔到食物既质素。系意见书写唔晒我既意见，但希望番本老细改善下食物质素多过走去淘啲like番黎(唔知系咪淘，但真系十万个唔明白你啲like点黎？)其实系香港食野，得过且过，我都废时走去写食评，只系好睇唔过眼依个番本集团！希望大家唔好再比佢既正评欺骗！完。