駿景軒 (已搬遷) 新店位置

感谢恩师的一餐，不容有失，故拜托骏景轩梁师傅设计菜单，不负众望，出品一级水准，大家都食到lam lam脷，正！其实，我不嬲都觉得骏景轩应该不只米芝莲一星，咁多年都系一星简直是underrated。用料靓又新鲜，厨艺又得，譬如食水煮鱼，啲配料全部四川送来，完全食到成都的味道。天气一转冷，就会谂起梁师傅的煲仔饭。腊味固然靓，但最靓都系𠮶煲饭。我可以大胆咁讲，真正识得煲饭而又煲得靓嘅大厨，寥寥可数。梁师傅嘅心得系人哋用100度高温去煲，佢会去到120至130度，煲到好似旧式火车头咁喷啲烟出来，然后最考功夫就系收尾𠮶吓「饭要焗熟，不要煲熟」。好！不过唔明，对于我哋呢啲用电饭煲一代又点会明。梁师傅的煲仔饭，做到粒粒饭都熟透热透，淋得嚟带爽身，每粒饭的形状都好清脆清晰，我足足食了3碗饭，忍唔到口，咁靓嘅饭真系可遇不可求。食嘢唔系只讲求食得名贵、食得靓或者食得平，而系当某件食材喺佢最巅峰嘅状态出场，而佢仲喺最巅峰状态嘅时候放入咗你个口，恭喜，你有口福了！梁师傅的菜，个平衡永远做得好好，就算啲配料好抢味，仍然不会盖过主材料个鲜味。就好似胡椒虾，你睇啲胡椒粒多到好似唔使钱咁，啲胡椒味焗哂入啲虾度，但系仍