影片
更多
2024-10-21
646 浏览
响香港食素，有时就算舍得食贵啲，选择都唔系好多，尤其想打边炉，靓嘅食材都集中哂响牛肉同海鲜。想食好啲？真汉子今日就同大家睇下 Megan's Kitchen 美味厨 - 一间连获 13 年入选米芝莲必比登推介嘅餐厅，最新推出嘅素食火锅套餐有几吸引先。😍打边炉最紧要系个汤底，佢哋新出嘅「港式丰味」碗仔翅汤同时推出素食同非素食版，用咗日本人造鱼翅，唔似粉丝咁淋，有真鱼翅果种口感。素食版系纯素汤底，配料有冬笋同各种菇类，令到个汤非常鲜甜。😋芫茜山竹素牛肉丸用咗 Beyond Meat 嘅素牛肉，味道同外观都劲似鲜牛肉造嘅肉丸，牛味好浓郁。能够用一啲现成素肉做到个肉丸咁精致同高级，不得不佩服厨师嘅创意同功夫。👨🏻🍳三款素饺分别系南乳素斋饺（甘笋皮），杂菌洋葱饺（上海皮），同素菜饺（菠菜皮），都冇蛋奶成份。我最钟意南乳素斋饺，咁细嘅饺子入面当然唔会有平时南乳粗斋嘅材料，馅料系粟米同云耳，肉眼见唔到有南乳，但非常离奇地一入口就成个南乳斋嘅味觉出哂嚟，究竟系点做到嘅呢？😂杂菌洋葱饺嘅洋葱味都好浓好有特色，素菜饺就比较接近我哋平时食到嘅素饺，馅料以菜为主。🥬如果肉食嘅鲜味来自肉类，咁素食嘅鲜味当然来
打边炉最紧要系个汤底，佢哋新出嘅「港式丰味」碗仔翅汤同时推出素食同非素食版，用咗日本人造鱼翅，唔似粉丝咁淋，有真鱼翅果种口感。素食版系纯素汤底，配料有冬笋同各种菇类，令到个汤非常鲜甜。😋
芫茜山竹素牛肉丸用咗 Beyond Meat 嘅素牛肉，味道同外观都劲似鲜牛肉造嘅肉丸，牛味好浓郁。能够用一啲现成素肉做到个肉丸咁精致同高级，不得不佩服厨师嘅创意同功夫。👨🏻🍳
三款素饺分别系南乳素斋饺（甘笋皮），杂菌洋葱饺（上海皮），同素菜饺（菠菜皮），都冇蛋奶成份。我最钟意南乳素斋饺，咁细嘅饺子入面当然唔会有平时南乳粗斋嘅材料，馅料系粟米同云耳，肉眼见唔到有南乳，但非常离奇地一入口就成个南乳斋嘅味觉出哂嚟，究竟系点做到嘅呢？😂
杂菌洋葱饺嘅洋葱味都好浓好有特色，素菜饺就比较接近我哋平时食到嘅素饺，馅料以菜为主。🥬
如果肉食嘅鲜味来自肉类，咁素食嘅鲜味当然来自菇菌啦。呢个套餐精选咗好多新鲜同高级嘅菇菌类，包括日本黑松茸菇，福建白玉木耳，新鲜云南野生牛肝菌同姬松茸，仲有羊肚菌。我嘅最爱系黑松茸菇同姬松茸，因为味道劲浓郁，而牛肝菌我第一次打边炉食，估唔到鲜味之余，仲要系入口溶化㗎。👅
豆腐类亦都系非常精彩，你谂到嘅有，谂唔到嘅都有 😆。山水豆腐，蜂巢冰豆腐，炸支竹当然唔少得，最惊喜嘅系潮州五香豆腐，有少少似卤水豆腐，本身已经有味，放汤渌一阵已经好好食。生根嘅 fans 呢个套餐可以拣迷你生根，过到瘾之余仲可以留肚食其他嘢，非常欣赏佢哋嘅心思。👍🏻
粉面类可选生面（蛋面），伊面，油炸鬼，龙口粉丝，米粉。生面本身已经煮好，渌番热就食得喇。油炸鬼可以就咁食，识食嘅梗系渌两吓索少少汤，衬佢仲脆放入口食啦。😜
套餐仲包括时蔬拼盘同饮品一杯（竹蔗马蹄水或酸梅汤）。以上提到嘅素食汤底或食材都可以散叫，所以同非素食者嚟聚餐都可以各自享受美食。👫👬👭
而家帮衬佢哋火锅仲可以即场扭蛋抽奖，其中有现金奖㗎。🎇
张贴
