阿麥廚房 (已結業)

眼见好多openrice blogger都对呢度dinner set好评如潮，自不然心动想感受下字里行间既「好味」到底系点。想了大半年，终于book枱相约友人食。近排因为沉醉德国文化，食亲西餐总系心思思想食德国菜。黎之前没料到dinner menu竟然有德国(式)烧咸猪手食，当下喜出望外。服务生见我兴奋莫名，乘势极力推介(+$58)升级头盘食「香煎法国鹅肝配焦糖酒醋蓝莓」。因我俩每人食一个set，朋友提议不如试埋「大虾占米多」，皆因出面好少机会食到！香煎法国鹅肝配焦糖酒醋蓝莓。鹅肝的油腻用酸甜的果味来平衡，食起来零舍清新开胃。「大虾占米多」用上虎虾，虾肉爽身不在话下，重点系用上芝士碎同蟹膏做酱汁开边焗，钟意食虾既朋友一定食过番寻味。「黑松露菌忌廉汤」(跟餐+$38)。一睇已知好足料，饮每一啖都食到蘑菇碎，面头黑松露更更提升了原先菇味既层次感，好饮。「蟹肉南瓜忌廉汤」(跟餐+$38)。加左南瓜蓉同蟹肉确系令汤更鲜甜，只系忌廉汤本身比较稀身，相信浓稠一点会更好饮呢。德国式烧猪手($220)。一上枱，猪手同薯条份量上确系好德国式，因为够大份；猪手肉质深红，外皮咬落真系「索索」声。皮脆肉软不在