影片
更多
2012-01-18
359 浏览
交待少少先，话说同太太去港威嘉禾睇戏，所以晌新港嘅Food Republic食完饭先过去戏院，美食广场点都又快又多选择，唔使赶，轻松开完餐先慢慢睇住时间行返过去。晌另文「喜运来 – 台式六宝」讲过我哋其中一间拣咗食台式卤水饭餐；而太太拣嘅系食韩国嘢嘅韩国屋。佢个厨师推介好简单，一系石头饭，一系汤面或汤粉丝类，同样卖$42，只系前者就拣一款肉搭两款蔬菜，后者就只可以拣一款肉而矣。柜面前又系有晒各款样板，清清楚楚。因为即叫即做，所以要啲时间，大概10-15分钟，睇吓多唔多单做紧啦。太太要咗石头窝饭，一款肉就要烧鸡肉（其他仲有辣泡菜猪肉、烧牛肉、韩式辣猪扒），两款配菜就拣辣泡菜同菠菜（其他选择有杂菜、鸡蛋、炒粉丝、芽菜、薯仔丝、白豆），而且，包多一碗韩式例汤，系碗无乜味嘅紫菜汤。烧鸡肉石头饭先讲卖相，几有睇头，一砵石头饭，𩠌料堆到满满，拎起餐盘好坠手，当然个石头锅本身都有番咁上下重嘅。由于新鲜即做，手捧托盘都感受到个石头锅所散发嘅热力，亦闻到𩠌菜嘅香气。辣泡菜同菠菜都放得唔少，泡菜酸酸辣辣，醒胃得嚟又带点刺激，菠菜就只不过系灼菠菜，但都几嫩滑。烧鸡肉比较普通，唔系话差，只系好似一件鸡扒煎熟斩
晌另文「喜运来 – 台式六宝」讲过我哋其中一间拣咗食台式卤水饭餐；而太太拣嘅系食韩国嘢嘅韩国屋。佢个厨师推介好简单，一系石头饭，一系汤面或汤粉丝类，同样卖$42，只系前者就拣一款肉搭两款蔬菜，后者就只可以拣一款肉而矣。柜面前又系有晒各款样板，清清楚楚。因为即叫即做，所以要啲时间，大概10-15分钟，睇吓多唔多单做紧啦。
太太要咗石头窝饭，一款肉就要烧鸡肉（其他仲有辣泡菜猪肉、烧牛肉、韩式辣猪扒），两款配菜就拣辣泡菜同菠菜（其他选择有杂菜、鸡蛋、炒粉丝、芽菜、薯仔丝、白豆），而且，包多一碗韩式例汤，系碗无乜味嘅紫菜汤。
烧鸡肉石头饭先讲卖相，几有睇头，一砵石头饭，𩠌料堆到满满，拎起餐盘好坠手，当然个石头锅本身都有番咁上下重嘅。由于新鲜即做，手捧托盘都感受到个石头锅所散发嘅热力，亦闻到𩠌菜嘅香气。辣泡菜同菠菜都放得唔少，泡菜酸酸辣辣，醒胃得嚟又带点刺激，菠菜就只不过系灼菠菜，但都几嫩滑。烧鸡肉比较普通，唔系话差，只系好似一件鸡扒煎熟斩件落锅，鸡味都系一般。其实整体味道唔错，但最可惜系个饭，无饭焦都唔系问题，最弊个饭底较烂，好影响个口感，认真失色。
张贴
