鮨匠 (裝修中)

今日，一行三人入嚟食午餐，无人得闲招呼，咪自己揾个卡位坐低，有位扎马尾阿姐，叫住唔比坐，话系6人枱，OK理解，咁咪转枱啰，转个头，所谓嘅6人枱，分别都系坐4人及3人，唔知咩安排。咁坐低即刻落单叫咗一个鲭鱼定食、一个三文鱼定食，出去自助吧取沙津菜，误以为隔离系水机，被马尾阿姐离远呼喝问我㩒乜嘢，唔知啫，唔驶咁恶劣态度呀？另一位饭脚未到，大概比我哋迟叫10分钟，佢叫牛舌丼。鲭鱼好快上枱，转头10分钟左右牛舌丼都到咗，最早叫嘅三文鱼未有，等咗有25分钟，咪追三文鱼进度，佢入去厨房话整紧，再5分钟都未有，朋友鲭鱼食完，牛舌丼食咗一半，隔离枱迟十几分钟嘅食物都已经上晒，我条三文鱼应该系游咗出大海未捉到，咁我话如果无就取消单，因为要赶返工，再等几分钟先有餐到，上菜阿姐仲补一句话，三文鱼要煎得耐啲，呢个解释真系“耐人寻味”，平心而论，食物质素OK嘅，但楼面态度要再培训啰。