影片
更多
2013-02-04
1555 浏览
话说就黎新年, 同班朋友仔谂起新锦园, 所以就再黎食. 谂住大家开开心心咁食个团年饭. 点知.......换黎一肚气, (由于心情不佳, 所以冇影到相)豉油王炒面 : 平时系食得出有炸过, 脆口的, 但今次可能人多的关系, skip左呢步, 上枱时系湿湿的. 大家都体谅, 因为味道仍在, 只系欠缺左少少上汤浸豆苗 : 明明系叫豆苗, 张单都系咁打. 点知黎左浸西洋菜. 最后扰攘左一轮, 都黎番正确, 当然, 里面系夹杂著部份西洋菜, 点换番豆苗不宜深究煎酿三宝 : 略嫌每一件都太大旧, 建议将体积缩少, 增加件数, 因为好"溜"成餐饭, 真系食得好唔开心.食物质素系无问题, 上菜速度都一如以往的快, 真的值得一赞.只系开头的不快事件完全影响心情.我地都体谅你好忙, 但系态度真系需要咁赶客?总之, 以后过时过节, 一定唔会再黎帮衬. 唔想再黎贴钱买难受以上只系代表本人立场, 如有冒犯, 唔好意思.
谂住大家开开心心咁食个团年饭. 点知.......换黎一肚气,
(由于心情不佳, 所以冇影到相)
豉油王炒面 : 平时系食得出有炸过, 脆口的, 但今次可能人多的关系, skip左呢步, 上枱时系湿湿的. 大家都体谅, 因为味道仍在, 只系欠缺左少少
上汤浸豆苗 : 明明系叫豆苗, 张单都系咁打. 点知黎左浸西洋菜. 最后扰攘左一轮, 都黎番正确, 当然, 里面系夹杂著部份西洋菜, 点换番豆苗不宜深究
煎酿三宝 : 略嫌每一件都太大旧, 建议将体积缩少, 增加件数, 因为好"溜"
成餐饭, 真系食得好唔开心.
食物质素系无问题, 上菜速度都一如以往的快, 真的值得一赞.
只系开头的不快事件完全影响心情.
我地都体谅你好忙, 但系态度真系需要咁赶客?
总之, 以后过时过节, 一定唔会再黎帮衬. 唔想再黎贴钱买难受
以上只系代表本人立场, 如有冒犯, 唔好意思.
题外话/补充资料：
老实讲, 由2012年7月发现呢间新大陆, 打后半年帮衬左不下5次.
第一次发生呢D不愉快事件.
一早都预计到好多人, 咁提早一星期打去卜枱, 以为无问题啦.
点知一去到攞枱, 有位亚叔话"唔知摄左你地张纸去边, 冇留枱", 态度系OK既.
OK, FINE....咁咪自己揾啰, 我地一行6人, 仲有位大肚婆, 个肚箩咁大.
我地就话可以迫迫夹夹坐啫, 请问大肚婆点迫呢??
跟住有个好长头发扎马尾既亚姐好晦气咁叫我地坐张4人枱, 有脑都谂到塞唔落啦.
仲喺度嘈话冇枱就冇枱.
算, 为左餐饭啫, 我地自己去揾枱, 揾到张贴住条柱, 坐到6个人唯一方法系要拉少少张枱出黎.
一拉, 个亚姐又喺度嘈话阻住佢条路, 真系火都黎埋.
唔拉点坐6个人呀, 佢个态度仲要系赶客咁, 凶番我地转头.
我地讲明有个大肚婆, 佢讲到我理得你大唔大肚婆. 总之唔好阻住条路.
使唔使咁呀:(
碟豆苗黎错左西洋菜, 又唔系我地叫错, 咪叫人换
好衰唔衰又系𠮶个赶客亚姐, 佢又喺度嘈, 黎错咪黎错, 我见到你地有人夹左食左.
请问唔夹又点知你黎错呀??
最后个亚姐死死地气咁换, 换完个口又念念有词, 想点??
之后想加单, 另一个亚姐凶我地话而家落单要等一个钟, 我地唔信, 系都要叫. 最后十五分钟就上枱了.
其实仲想叫个油盐水炸豆腐, 明明上一次黎呢款野系店员推介, 今次竟然话冇, 又系马尾亚姐覆既. 唉........
(以上食记乃用户个人意见 , 并不代表OpenRice之观点。)
张贴