影片
更多
2017-08-19
3114 浏览
午餐去食木桶饭，写著供应到14:30。14:08坐低看餐牌虽然系有点迟，但都未够钟呀。店员已经要我哋快d拣，话就快完。于是九秒九点咗餐。木桶饭原本包汤，佢话无晒，要我哋叫嘢饮加5蚊。迫住要咗甘蔗水，点知系杨协成。好啦都无计。就系我哋望住依两罐所谓原价10蚊跟餐价5蚊嘅甘蔗水时，我哋听到另一个店员向新来嘅客人推介话木桶饭包汤！问佢要唔要汤。个客想咗阵先话唔要。我哋即刻问店员，又话无晒汤？𠮶个话有汤嘅店员就话''d汤得番好少，同新客人讲咗，所以佢都唔要啦。''但明明我同朋友听得好清楚佢无讲过话d汤唔够，系个客人自己唔想饮汤所以唔要！𠮶解释我哋当然唔多信啦。于是佢就问我哋系咪想换番，我哋梗唔换啦。用乜易加料㗎。所以未食就一肚火。直头好似依两个木桶饭嘅辣度一样！上面既系小炒肉木桶饭，48蚊。上菜时热腾腾，肉片薄但多，好入味，单吃佢有少少辣。如果连埋饭同d辣椒食就几辣下，喜欢吃辣的一定啱食。食落感觉唔会太油，不过食到底就会见到d油，但都唔算多，所以都OK。另一个系酸辣鸡杂木桶饭，都系48蚊。睇清楚系有个杂字，所以即系鸡既内脏，系唔会见到一块鸡肉嘅！当初以为上错咗，好彩好醒咁再睇番𠮶名，唔系就错怪
木桶饭原本包汤，佢话无晒，要我哋叫嘢饮加5蚊。迫住要咗甘蔗水，点知系杨协成。好啦都无计。
就系我哋望住依两罐所谓原价10蚊跟餐价5蚊嘅甘蔗水时，我哋听到另一个店员向新来嘅客人推介话木桶饭包汤！问佢要唔要汤。个客想咗阵先话唔要。
我哋即刻问店员，又话无晒汤？𠮶个话有汤嘅店员就话''d汤得番好少，同新客人讲咗，所以佢都唔要啦。''
但明明我同朋友听得好清楚佢无讲过话d汤唔够，系个客人自己唔想饮汤所以唔要！
𠮶解释我哋当然唔多信啦。于是佢就问我哋系咪想换番，我哋梗唔换啦。用乜易加料㗎。
所以未食就一肚火。直头好似依两个木桶饭嘅辣度一样！
上面既系小炒肉木桶饭，48蚊。上菜时热腾腾，肉片薄但多，好入味，单吃佢有少少辣。如果连埋饭同d辣椒食就几辣下，喜欢吃辣的一定啱食。食落感觉唔会太油，不过食到底就会见到d油，但都唔算多，所以都OK。
另一个系酸辣鸡杂木桶饭，都系48蚊。睇清楚系有个杂字，所以即系鸡既内脏，系唔会见到一块鸡肉嘅！当初以为上错咗，好彩好醒咁再睇番𠮶名，唔系就错怪人。唔怪得我哋架，九秒九点菜系唔会知自己点咗咩。
上菜时都系热，但无第一个咁热，同埋无咁辣。系咪真系酸辣？就系觉少辣啰。鸡杂算爽口，连饭连辣椒一齐食都野味。一样唔太油。
两个木桶份量都好多。只匙系插到底嘅，可以看到佢嘅份量。
中肯d讲，食物算好味嘅，环境都唔差。但间野老唔老实就唔知。又话无晒，又话得好少，又俾我哋换番，究竟有定无？都唔知边句真。因为发生咗依件事，食得唔开心，所以对依间嘢好失望，唔会有下次帮衬嘅机会。
张贴
