影片
更多
2020-01-21
2359 浏览
从来都无谂过要写负评俾任何一间餐厅，但估唔到呢间餐厅，令我引唔住要俾好多个嬲😡😡佢地。原本谂住食个开心团年饭，结果，一肚子气收场。话说我哋book了晚上七点半枱。我哋先头部队准时到场。到柜台报到时，先系柜台阿姐话’唔关佢事’,再揾个疑似老细的物体帮我哋处理。坐低咗十五分钟，无人理会我哋，亦无人问我哋要咩茶水。几经辛苦，终于叫到茶水。然后八点钟齐人落单，揾侍应A点了八个𩠌菜。等到八点廿五分，一个𩠌都无到过，但隔离枱迟过我地到，都已经食到七七八八咁滞，我哋依然乜都未有得食，亦无人应酬我哋。揾返侍应A追单，佢𠲖𠲖哦哦几句，又走开咗。隔了五分钟，再揾返侍应A，追问佢有无落单，佢支吾以对后，又连人带单走开咗。我哋愈谂愈唔对路，无理由等咗大半个钟，都一个𩠌菜都无到，怀疑个侍应A落错晒成张单俾第二张枱，连路过的上菜阿姐都识讲，话梗系落错单。响呢个时候，上菜阿姐同我哋讲‘羊腩煲无晒’，我哋叫佢俾落单纸我哋望，见落单时间系.8:35’！再隔多几分钟，又有人再同我哋讲，烧鹅卖晒🙄我哋又揾返侍应A问，究竟几时落单。佢一句‘唔关我事，我放低左张单俾柜台’，跟住一副’唔关佢事‘咁走左😳🙄我哋揾疑似老细追问，疑似
原本谂住食个开心团年饭，结果，一肚子气收场。
话说我哋book了晚上七点半枱。我哋先头部队准时到场。到柜台报到时，先系柜台阿姐话’唔关佢事’,再揾个疑似老细的物体帮我哋处理。
坐低咗十五分钟，无人理会我哋，亦无人问我哋要咩茶水。几经辛苦，终于叫到茶水。
然后八点钟齐人落单，揾侍应A点了八个𩠌菜。等到八点廿五分，一个𩠌都无到过，但隔离枱迟过我地到，都已经食到七七八八咁滞，我哋依然乜都未有得食，亦无人应酬我哋。
揾返侍应A追单，佢𠲖𠲖哦哦几句，又走开咗。隔了五分钟，再揾返侍应A，追问佢有无落单，佢支吾以对后，又连人带单走开咗。
我哋愈谂愈唔对路，无理由等咗大半个钟，都一个𩠌菜都无到，怀疑个侍应A落错晒成张单俾第二张枱，连路过的上菜阿姐都识讲，话梗系落错单。
响呢个时候，上菜阿姐同我哋讲‘羊腩煲无晒’，我哋叫佢俾落单纸我哋望，见落单时间系.8:35’！
再隔多几分钟，又有人再同我哋讲，烧鹅卖晒🙄
我哋又揾返侍应A问，究竟几时落单。佢一句‘唔关我事，我放低左张单俾柜台’，跟住一副’唔关佢事‘咁走左😳🙄
我哋揾疑似老细追问，疑似老细又唔知讲左乜，入左厨房就再无出过来了。
呢个时候，疑似经理拎住条蒸鱼出现，我哋揾佢讲返成件事，呢个经理都系一副事不关己模样🙄🙄
成个过程，我哋一句抱歉说话都无听到，只系见到一个推一个，连我身旁一个小学三年级的小朋友都识讲，’点解佢地一句唔好意思都唔会讲‘🙄🙄🙄
最后我哋乜都无食到，只食了空气咁怒气匆匆加一肚子气离开。
我哋明白，呢d大时大节，忙碌有甩漏是难以避免的。我哋可以接受佢哋落漏单，但我哋绝对接受不了佢哋完全没有意图’补镬‘，连讲句‘唔好意思’都费时，仲要一个推一个卸膊到无朋友的态度。
就算呢间野几咁好食都好，我哋都永远不会再光顾，更何况我哋乜都无食过落肚😡😡😡😡😡
张贴