影片
更多
2008-11-13
57 浏览
一向都深明好多老店服务态度ma ma地...但食物好食都会忍唔住去帮衬. 冇服务, 为左食都会忍!! 但对呢间系激怒, 忍无可忍.一行8人, 伙计分配左一张大枱俾我地, 当然, 收费小菜佢地"毫不吝惜"咁俾左6碟我地. 叫了10个菜 (不计3个甜品). 老伙计当然不断推介贵价海鲜小菜, 出惯嚟"食"嘅我地已经好醒地全部唔叫. 点知上枱时, 来了2个菜, 见碟鹅片超大碟, 已经奇怪地问伙计系咪转左加大.伙计答系...因为我地例牌唔够食~ 自动帮我地加大. 好"体贴", 原来佢地对我地食量仲清楚过我地自己!!!!叫佢地其他改返例牌, 解释左因为我地已经叫左10个菜仲要食甜品. 其中一个伙计黑面啤一啤我地就走去counter, 以为佢改单, 点知又揾另一个老伙计嚟, 同我地讲:"冇例牌ga, 得加大". 我问:"你地d 菜平时都冇例牌ga?" 佢好理直气壮地答:"有, 不过你地坐大枱, 就一定要加大". 哗~你d收费理由同d海鲜价一样层出不穷!! 就算真系有咁规则你入坐时讲明呀~!! 极度过份!! 今时今日咁嘅态度, 望你快d 执!! 如果唔系唔想扫其他朋友庆, 必定拍枱走人唔食!! 九龙
一行8人, 伙计分配左一张大枱俾我地, 当然, 收费小菜佢地"毫不吝惜"咁俾左6碟我地.
叫了10个菜 (不计3个甜品). 老伙计当然不断推介贵价海鲜小菜, 出惯嚟"食"嘅我地已经好醒地全部唔叫. 点知上枱时, 来了2个菜, 见碟鹅片超大碟, 已经奇怪地问伙计系咪转左加大.
伙计答系...因为我地例牌唔够食~ 自动帮我地加大. 好"体贴", 原来佢地对我地食量仲清楚过我地自己!!!!
叫佢地其他改返例牌, 解释左因为我地已经叫左10个菜仲要食甜品. 其中一个伙计黑面啤一啤我地就走去counter, 以为佢改单, 点知又揾另一个老伙计嚟, 同我地讲:"冇例牌ga, 得加大". 我问:"你地d 菜平时都冇例牌ga?" 佢好理直气壮地答:"有, 不过你地坐大枱, 就一定要加大". 哗~你d收费理由同d海鲜价一样层出不穷!! 就算真系有咁规则你入坐时讲明呀~!! 极度过份!! 今时今日咁嘅态度, 望你快d 执!! 如果唔系唔想扫其他朋友庆, 必定拍枱走人唔食!! 九龙城选择多..唔会去哑气吞声纵容呢d食店!!
环境方面, 已经唔要靓装修, 不过都唔好一边食一边长期有几只小强系d墙身走嚟走去(我地坐贴墙).
食物方面, 食左如下嘅野:
1) 大眼鸡 --- ok啦, 都好难整得难食.
2) 鹅片 --- 已经加大左, 成二百几蚊. 应该豆腐件数多过鹅片好多. 味道合格啦.
3) 方鱼肉碎 + 蚝仔粥 --- 无味!! 又唔系多料. 难食..以前自己食紧医院入面d病人粥, 可能医院仲好味d.
4) 萝白饼 --- 呢个叫做好食d. 似炸萝卜糕, 除左油d, 佢地叫食到有萝卜味.
5) 椒盐吊桶 --- 上枱时已经涷晒. 有3汤匙油系碟底, 冇椒盐味. 又系差~
6) 蚝饼 --- 差差差!!! 见到炸到索晒d油唔止, 仲要入面d粉张系又多又湿, 一pat 糊咁. 又食唔到蚝味.
7) 鸡油豆苗 --- 几好. 又系..好难整得难食嘅一样.
8) 白灼花螺 --- 几好. 白灼左, 细细粒, 都有鲜味.
9) 蛏子 --- ma ma地. 上枱时d肉甩晒, 又系涷涷地. 炒得有d过火左..个汁ok啦..唔算好好味.
甜品唔想写...冇咩特别. 食完d咁嘢主菜同受完气...除左想快d走..对其他都已经冇咩兴趣.
呢间野..真系请我都唔再去.
张贴